Мухолифин ва фаъолони сиёсии муқими Аврупо эълон кардаанд, рӯзи 25 март дар Берлин алайҳи сафари Эмомалӣ Раҳмон ба Аврупо гирдиҳамоии эътирозӣ барпо хоҳанд кард. Аз тоҷикони муқими Аврупо даъват шудааст дар ин гирдиҳамоӣ ширкат кунанд.
Дар ин эълон омадааст:
Қарор аст Эмомалӣ Раҳмон диктатори Тоҷикистон ба кишварҳои демократӣ сафар намуда, ин кишварҳоро ҳомии сиёсати саркӯбгаронаи ҳукумати хонаводагии худаш муаррифӣ карда, саркӯбҳои худро машрӯъ ва табиӣ ҷилва диҳад.
Қатли оми мардуми Бадахшон, зиндонӣ кардани фаъолони сиёсиву ҳуқуқӣ ва ба солҳои тулонӣ маҳкум шудани хабарнигорон дар чанд моҳи охир, ҳама далели худкомагӣ ва саркӯбгарии ҳукумати Раҳмон ҳастанд. Сафари ӯ ба Аврупо маънои машрӯъият бахшидан ба густариш додани ин амалҳо ҳастанд.
Бинобар ин, аз тамоми шаҳрвандони Тоҷикистони муқими Аврупо барои эътироз ба ин сафари Раҳмон ва ҳамчунин эътироз ба истирдоди мухолифини режими Раҳмон ба Тоҷикистон даъват менамоем, ки ба гирдиҳамоии мо дар Берлини Олмон бипайванданд.
Замон: 25. 03. 2023
Макон: Шаҳри Берлин
