4.9 C
Dushanbe

Тирпаронии навбатӣ дар сарҳади Тоҷикистону Қирғизистон

Рӯзи 3-юми июни соли ҷорӣ дар марзи Тоҷикистону Қирғизистон боз тирандозӣ сурат гирифт.

Дар ҷамоати Ворухи шаҳри Исфара, ки бо Қирғизистон ҳаммарз аст, дар мавзеи “Пули Офтобрӯй” миёни марзбонони тоҷику қирғиз тирпарронӣ рух додааст.

Як манбаъ аз ҷамоати Ворух ба “Азия-Плюс” хабар додааст, ки задухӯрд баъди убури марзбонони қирғиз ба қаламрави таҳти назорати марзбонони тоҷик оғоз шудааст.

Ба иттилои ин манбаъ сарҳадбонони тоҷик дар аввал ба онҳо ҳушдор додааанд, ки ҳудуди Тоҷикистонро тарк кунанд, вале онҳо ин талабро нодида гирифтандаанд.

Пас аз ин дар байни марзбонон баҳси лафзӣ ба вуқӯъ пайваста, баъдан тирпарронӣ оғоз шудааст.

Дар ҳамин ҳол як манбаи Azda tv аз ҷамоати Ворух бидуни зикри номаш ҳодасаро чунин шарҳ дод:

“Субҳи имрӯз дар нуқтаи марзии ҷониби Тоҷикистон барқ хомӯш шуда буд ва марзбонон барқсозро даъват карда буданд, ҳангоми дар болои симчӯб будани устои барқ қирғизҳо бо “снайпер” аз масофаи дур ӯро заданд ва сипас он марзбони тоҷикро, ки дар наздаш меистод дар гарданаш тир заданд, ки каме баъдтар ба ҳалокат расидааст. Аммо устои барқ ҳоло зинда аст дар беморхонаи Ворух, агар ӯро ба бемористони марказии шаҳри Исфара бурда натавонанд, эҳтимол аз байн меравад.”

Аммо дафтари матбуоти Хадамоти марзбонии Кумитаи давлатии амнияти миллии Қирғизистон хабар додааст, ки марзбонони тоҷик ба қаламрави Қирғизистон ворид шуда, сӯи марзбонони қирғиз оташ кушодаанд.

Ба иттилои ҷониби қирғиз, марзбонони КДАМ-и Қирғизистон ҳангоми адои хидмат дар мавзеи Булоқ-Боши ноҳияи Бодканд марзбонони КДАМ-и Тоҷикистонро дидаанд, ки ғайриқонунӣ хатти шартии сарҳадро убур карда, ба қаламрави Қирғизистон ворид шудаанд.

Хадамоти марзбонии Қирғизистон иддао дорад, ки марзбонони тоҷик талаби марзбонони қирғиз дар бораи тарки қаламрави ин кишварро нодида гирифта, ба сӯи низомиёни қирғиз тир кушодаанд. Дар байни нерӯҳои марзбонии ду кишвар задухӯрд ба вуқӯъ пайваст ва гӯё ҷониби Тоҷикистон дар ҷараёни он аз миномёт истифода кардааст.

Инчунин Хадамоти марзбонии КДАМ-и Қирғизистон хабар додааст, ки Тоҷикистон техникаи вазнини низомии худро ба наздикии марз интиқол дода, то соати 14:00 ба вақти маҳаллӣ тирпарронӣ идома доштааст.

Аммо манбаи Azda tv гуфт, то ҳол ҷониби Тоҷикистон ҳечгуна таҳаррукоти низомӣ нишон надодааст, ҳатто як тир ҳам накушодаанд. Ва ҳеч техникаи ҷангӣ ба марз оварда нашудааст. “Ҳатто ба сарбозони мо, ки дар хатти марз қарор доранд ва сӯяшон ҳамла шудааст, то ҳол фармони тиркушодан надодаанд, аммо ғирғизҳо ҳамеша дар ҳолати ҳуҷум қарор доранд ва андактарин ҳаракате аз ҷониби Тоҷикистон мушоҳида кунанд, тир мекушоянд.”, мегӯяд манбъ.

То нашри ин хабар мақомоти расмии Тоҷикистон дар ин бора вокунише накардаанд.

Бо пайдо шудани маълумоти бештар хабар такмил мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Роналду ба Тоҷикистон наомад

Ҳамлагари шинохтаи пуртуғолӣ ва бозигари бошгоҳи "Ал-Наср"-и Арабистони Саудӣ Криштиану Роналду ба Душанбе наомад. 

Арабистон $100 миллион ба Тоҷикикстон қарз медиҳад

Фонди Саудии Рушд барои идомаи сохтмони тарҳи Нергуҳои барқи...

Вокунишҳо ба шиканҷаи навраси ноболиғе дар Душанбе

Сабти навори шиканҷаи навраси ноболиғе дар шаҳри Душанбе мавҷи вокунишҳоро дар ҷомеа ба вуҷуд овардааст, вале мақомот то ҳол ин қазияро шарҳ надодаанд.

Баррасии ҳамкориҳои Тоҷикистону Арабистон

Масоили ҳамкориҳои тиҷоратӣ, иқтисодӣ ва сармоягузориҳои Тоҷикистон ва Арабистони Саудӣ дар шаҳри Душанбе мавриди баррасӣ қарор гирифтанд.