19.9 C
Dushanbe

Тоҷикистон ба низоми ягонаи энергетикаи минтақа мепайвандад

Тоҷикистон қасд дорад дар моҳи майи соли ҷорӣ ба низоми ягонаи энергетикаи минтақа бипайвандад. Дар ин бора расонаҳои узбекистонӣ хабар медиҳанд.

Вазири энергетикаи Узбекистон Ҷӯрабек Мирзомаҳмудов зимни нишасти “Ҳафтаи энергетикӣ”, ки имрӯзҳо дар Тошкант ҷараён дорад, гуфт: “Дар ин моҳ мо нақша дорем, ки Тоҷикистонро ба шабакаи умумии худ – ба низоми ягонаи энергетикии Осиёи Марказӣ пайваст кунем.

Ба иттилои Мирзомаҳмудов, кишварҳои Осиёи Марказӣ пайвастани Тоҷикистонро ба ин низоми ягона мунтазир буданд ва онро хӯш пазируфтанд.

Бояд гуфт, ки “шабакаи ягонаи энергетикӣ дар замони Иттиҳоди Шӯравӣ дар соли 1960, вақте ки тамоми кишварҳои минтақа зери давлати Шӯравӣ буданд, ба вуҷуд омада буд. Ин низоми ягона имкон медод, ки тағйирёбии мавсимии талабот ба қувваи барқ ва талабот ба об дар давраи обёрӣ мувозинат карда шавад. Маркази аслии он дар Тошкант буд ва аз онҷо назорат карда мешуд. Дар соли 2009 бо сабабҳои гуногун, ин низоми ягонаи энергетикӣ аз кор боз монд, вале интиқоли барқ дар асоси шартномаҳои дуҷониба идома ёфт. Ва инак пас аз 10 сол кишрваҳои Осиёи Марказӣ тасмим гирифтанд, ки онро дубора эҷод кунанд.”

Қаблан Далер Ҷумъа, вазири энергетика ва захоири обии Тоҷикистон гуфта буд, ки ин кишвар моҳи апрели соли 2024 ба низоми ягонаи энержии Осиёи Марказӣ мепайвандад.

Гуфта мешавад, Узбакистон, Озарбойҷон ва Қазоқистон қасд доранд, ки низоми энергетикии кишварҳояшонро муттаҳид созанд, то ба Аврупо нерӯи барқи “сабз” содир кунанд.

Манбаъ: Podrobno.uz

Хабарро таблиғ кунед:

БЕШТАР БИХОНЕД
БЕШТАР БИХОНЕД

Манъи ҳиҷоб дар мактабу беморҳохонаҳо

Мақомоти тоҷик пас аз қабули тарҳи нави қонун “Дар бораи танзими ҷашну маросим” дар мактабу бемористонҳо "рейд" гузаронда, ҳиҷоби занҳоро зӯран мекашанд.

Сарвазирро кӣ ва чаро парронд?

Рӯзи чоршанбе, 4-уми май пас аз як нишасти давлатӣ, ба ҷони Сарвазири Словакия Роберт Фитсо сӯиқасд сурат гирифта, ӯ ба бемористон мунтақил шуд.

Тамдиди муҳлати ҳабси гумонбарони ҳамла ба Крокус

Додгоҳе дар Русия муҳлати ҳабси чор зодаи Тоҷикистонро, ки дар дар ҳамлаи хунин ба “Крокус Сити Ҳолл” гумонбар мебошанд, барои 3 моҳи дигар дароз кард.

“Идгардак”-у пешвози ҳоҷиён ва “либосҳои ба фарҳанги миллӣ бегона” манъ шуд

Дар Тоҷикистон "идгардак"-и кӯдаконро дар рӯзҳои Иди Рамазон ва Қурбонро манъ карданд.