Тоҷикистон барои мизбонии мусобиқоти Федератсияи футболи Осиёи Марказӣ, ки тобистони имсол дар варзишгоҳҳои кишварамон баргузор мегардад, омода мешавад.
Бино ба иттилои расонаҳо, имрӯз, 8-уми майи соли 2023, мунтахаби зери 20-солаҳои футболи Афғонистони барои омодагӣ ва ширкат кардан дар мусобиқоти Федератсияи футболи Осиёи Марказӣ вориди Тоҷикистон мегардад.
Дар ин мусобиқоти минтақавӣ, ки бо ташаббуси Федератсияи футболи Осиёи Марказӣ баргузор мегардад, мунтахаби зери 20-солаҳои футболи Тоҷикистон бо ҳамтоёни худашон аз кишварҳои минтақа ва Афғонистону Эрон рақобат хоҳанд кард.
Инчунин дар назар аст, ки мунтахаби зери 20-солаҳои футболи Афғонистон, ки имрӯз ба кишварамон сафар мекунанд, муддати 10 рӯзи оянда дар варзишгоҳҳо тамрин мекунанд то тавонанд ба наҳви беҳтар вориди рақобатҳои футбол гарданд.
Гуфта мешавад, ин мусобиқот аз 19 то 29-уми моҳи майи соли ҷорӣ идома ёфта, дар он тимҳои зери 20-солаҳои кишварҳои Тоҷикистону Узбекистон, Қирғизистону Туркманистону ва Афғонистону Эрон барои ба даст овардани Ҷоми Федератсияи футболи Осиёи Марказӣ вориди рақобатҳо хоҳанд шуд.
