35.9 C
Dushanbe

Тоҷикистон: Ереван ва Боку ихтилофоти худро бо роҳҳои дипломатӣ ҳал кунанд

Эмомалӣ Раҳмон аз сарони кишварҳои Арманистон ва Озарбойҷон хостааст, ки низоъҳои бавуҷудомада дар байни ду кишварро бо роҳҳои дипломатӣ ва музокира ҳаллу фасл намоянд.

Ба иттилои Хадамоти матбуоти Президент, 17-уми ноябр Никол Пашинян, Сарвазири Арманистон ба Эмомалӣ Раҳмон тамос гирифта, дар бораи ноором шудани марзҳои ин кишвар бо Озарбойҷон суҳбат кардааст.

Ба иттилои манбаъ, “Сарвазири Ҷумҳурии Арманистон ҳамчун Раиси Шӯрои амнияти дастаҷамъии  Созмони Аҳдномаи Амнияти Дастаҷамъӣ (СААД) оид ба вазъияти дар сарҳади Арманистону Озарбойҷон баамаломада иттилоъ дод.”

Гуфтанист, Эмомалӣ Раҳмон дар рафти ин суҳбат аз ҷонибҳо хостааст, ки “тавофуқоти ҳосилшударо риоя намуда, ҳамаи ихтилофу низоъро танҳо бо роҳи музокироти сиёсиву дипломатӣ ҳалу фасл кунанд.”

Ихтилофот ва низоъҳои мусаллаҳона байни Арманистону Озарбойҷон бар сари минтақаи Қарабоғи Кӯҳӣ наздик ба се даҳа инҷониб то кунун идома дорад ва дар натиҷаи задухурдҳои сешанбе ҳафтаи дасти кам 7 сарбозу афсари Арманистон кушта ва даҳҳо нафари дигар аз ду ҷониб захмӣ шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.