Муаллиф: SCANPIX/ZUMAPRESS.com

Маркази матуботии Вазорати тандурустӣ гуфтаааст, ки то ҳол Тоҷикистон барои харидории ваксинаи каронавирус аз Русия тасмим нагирифтааст.

Ин дар ҳолест, ки 13-сентябр Хадамоти санитарию эпидемиологии Вазорати тандурустӣ гуфта буд, ки як рӯз баъд барои дарёфти ин воксин ба ҷониби Русия дархост медиҳанд.

Ба гуфтаи маркази матбуоти Вазорати тандурустӣ, ваксинае, ки дар Русия омода шудааст, аз ҳамаи марҳилаҳои омӯзишии клиникӣ нагузаштааст, дар баробари ин Созмони тандурустии ҷаҳонӣ барои истифода тавсия надодааст.

Тоҷикистон замоне аз Русия барои ваксинаи каронавирус вориди гуфтугӯ мешавад, ки ҳамаи марҳилаҳои омӯзиширо гузарад, навиштааст, маркази матбуотии Вазорати тандурустии Тоҷикистон.  

Ин дар ҳолест, ки дар таърихи 13 август соли равон Хадамоти санитарию эпидемологӣ гуфта буд, тасмим доранд барои дарёфти ин воксин аз Русия дархост кунанд.

Дар баробари ин Вазорати тандурустӣ чанде қабл хабар дода буд, ки ба нафароне, ки беморони диабети қанд, диққи нафас, табибон ва марзбонон, ки дар посгоҳҳо навбатдорӣ мекунанд, бо воксини Русия зидди каронавирус воксингузаронида мешаванд.

Ёдовар мешавем, ки расонаҳои русӣ 11 август хабар дода буданд, ки кишвари Русия дар ҷаҳон аввалин шуда ба ваксинаи зидди вируси COVID-19 даст ёфт. Аммо баъзе кишварҳо ва созмонҳои тандурустӣ ба фаъол будани он шубҳа карда буданд. Пас аз интишори хабари мазкур аксари давлатҳо, аз ҷумла Тоҷикистон барои харидории аз ин воксин бо мақомоти Русия гуфтугӯ карда буд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.