31.9 C
Dushanbe

Тоҷикистон аз Туркия маҷмӯи тибии сайёр харидорӣ мекунад

Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода барои харидорӣ намудани маҷмӯи тибии сайёр ба Туркия сафар кард.

Тибқи маълумоти маркази матбуоти Вазорати тандурустӣ ин маҷмӯи тиббии сайёр дар доираи татбиқи маблағгузории бебозгашт (грант) аз ҷониби Бонки исломии рушд харидорӣ шуда ва сафари вазир низ барои қабули ин маҷмӯи тиббӣ гуфта мешавад.

“Маҷмӯи тиббии сайёр воситаҳои нақлиёти калонҳаҷм буда, дарозиашон тибқи стандартҳои аврупоӣ 18 метр ва баландиашон 4,2 метр мебошанд, ки дар он ҳуҷраҳои гуногун, аз ҷумла акушерӣ, офталмологӣ, кардиологӣ, ултрасадо, рентгени рақамӣ ва таҷҳизот барои эндоскопияи хурд муҷаҳҳаз гардонида шудаанд”, – омадааст дар хабари Вазорат.

Сурат: moh.tj

Гуфта мешавад, дар доираи ин Барномаи хайриявии Бонки исломии рушд барои таъсиси панҷ маҷмӯи тиббии сайёр маблағҳои грантӣ ҷудо гардидааст. Бонки мазкур тавассути озмуни байналмилалӣ ширкати «Нормека»-и Норвегияро ҳамчун масъули пешниҳоди маҷмӯи тиббии сайёр интихоб намудааст.

Низ дар хабар қайд гардида, ки дар доираи барномаи мазкур воситаҳои нақлиёти махсусгардонидашудаи ёрирасони клиникаҳои сайёр пешниҳод карда мешаванд, ки онҳо барои овардани беморон аз деҳаҳои дурдасти кӯҳӣ то ба клиникаҳои сайёр хизмат мерасонанд.

Ёдовар мешавем, ки ин Созишнома 27 октябри соли 2014 байни Ҷумҳурии Тоҷикистон ва Бонки Исломии Рушд ба имзо расида, аз ҷониби Маҷлиси намояндагони Маҷлиси Олии Ҷумҳурии Тоҷикистон 24 декабри соли 2014 тасдиқ гардида буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гуфтугӯи телефонии Муҳриддин ва Ароқчӣ

Вазири корҳои хориҷии Ҷумҳурии Тоҷикистон Сироҷиддин Муҳриддин бо ҳамтои эрониаш суҳбати телефонӣ анҷом дод.

Задухӯрди навбатӣ дар марз бо Афғонистон

Дар марзи Тоҷикистон бо Афғонистон боз ду қочоқбари афғон кушта ва даҳҳо кг маводи мухаддир мусодира шудааст. 

Фоҷеа: Модари ҷавон 4 фарзандашро ба дарё андохту кушт

Як зани 27-сола бо номи Мадина Ҳалимова, сокини ноҳияи Фархор, бо се духтар ва як писари хурдсолаш худро ба дарёи Сурхоб андохт, вале худаш аз марг наҷот ёфт.

Оташбаси 60-рӯза миёни Исроил ва ҲАМОС дар Ғазза

Доналд Трамп, раисҷумҳури Амрико рӯзи сешанбе эълом кард, ки Исроил тарҳи оташбасеро, ки Қатар пешниҳод кард, пазируфтааст.