-1.1 C
Dushanbe

Тоҷикистон ба Афғонистон имсол дар ҳаҷми $69 млн барқ медиҳад

Байни Тоҷикистон ва ҳукумати Толибон созишномае ба имзо расида, ки тибқи он кишвари Тоҷикистон бояд давоми соли 2022 ба андозаи 1,5 миллиард кВт/соат барқ бо маблағи $69 млн ба Афғонистон содир кунад.

Хабаргузории афғонии “Тулуънюс” дар саҳифаи телеграмии худ бо такя ба сухангӯи ҳукумати Толибон Анъомуллоҳи Самангонӣ хабар дод, ки ӯ ба расонаҳои русӣ гуфта, ки бар асоси созишномаи ба имзорасида байни Душанбе ва Кобул, Тоҷикистон давоми соли 2022 ба Афғонистон 1,2 миллард кВт/соат барқ ва Узбекистон 2 мллиард кВт/соат барқ содир хоҳанд кард.

Охири моҳи декабр ширкати барқрасони Афғонистон “Бришно” эълом карда буд, ки барои воридоти нерӯи барқи Тоҷикистон ба Афғонистон бо ширкати “Барқи тоҷик” дар шаҳри Душанбе қарордоди нав имзо кардааст.

Дар иттилоияе, ки ширкат нашр кардааст, гуфта мешавад, ки қарордоди воридоти нерӯи барқи Тоҷикистон ба Афонистон барои соли 2022 байни раиси ширкати “Барқи тоҷик” Исмоилзода Мирзо Иброҳим ва ҳайъати ҳамроҳаш ва раиси ширкати “Бришно” Ҳофиз Муҳаммад Амин ва ҳайъати ҳамроҳаш имзо шудааст.”

Гуфта мешавад, дар бораи имзои ин қарордод ширкати “Барқи тоҷик” расман дар сомонааш ҳеч матлабе нашр накардааст, аммо ширкати “Бришно” меафзояд, ин “қарордод дар ҷараёни музокироти ду рӯза аз сӯи ду тараф имзо шуда, зимни он қарордоди моҳи июли то декабри соли равон, ки ба далели таҳаввулоти сиёсӣ ба таъвиқ уфтода буд, низ имзо шудааст.”

Бо ин вуҷуд, Тоҷикистон дар ҳоле ба кишварҳои ҳамсоя Афғонистон, Ӯзбекистон ва Қирғизистон нерӯи барқ содир мекунад, ки ҳудуди 80 дарсади сокинои кишвар дар шаҳру ноҳияҳо дар фасли сармо аз бебарқӣ ранҷ мебаранд. Ҳукумат барои онҳо реҷаи лимити интиқоли нерӯи барқ ҷорӣ карда, рӯзона ба ҳисоби миёна то 7 соат барқ меҳмони онҳо мешавад ва боқӣ ҳудуди 17-18 соати дигар дар сардӣ ва торикӣ ба сар мебаранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.