Россия

Тоҷикистон: Дар ҷанҷолҳои гурӯҳӣ дар Русия шарик нашавед!

Вазорати меҳнат, муҳоҷират ва шуғли аҳолии Тоҷикистон аз муҳоҷирони корӣ дар Русия хостааст, ки аз ширкат дар занозаниҳои гурӯҳӣ дар ин кишвар худдорӣ кунанд.

Вазорати меҳнат, муҳоҷират ва шуғли аҳолии Тоҷикистон аз муҳоҷирони корӣ даъват кард: "Дар сурати поймол шудани ҳуқуқу манфиатҳо ва ё беэҳтиромӣ нисбати шаҳрванд, набояд ба муноқишаи гурӯҳӣ ворид шавад, балки ба мақомоти салоҳиятдори Федератсияи Русия ё Тоҷикистон муроҷиат кунад." Дар ин бора "Sputnik-Тоҷикистон" хабар додааст.

Вазорати меҳнат шарҳ дода, ки ба хоти пешгирӣ аз содир шудани ҷиноят аз ҷониби шаҳрвандони Тоҷикистон дар Русия ва ҷалби муҳоҷирон ба гурӯҳҳои террористӣ, бо онҳо сӯҳбатҳои фаҳмондадиҳӣ гузаронида мешавад. Инчунин ба муҳоҷирон ҳушдор медиҳад, ки қонунҳои будубоши Русияро риоя кунанд.

Қаблан раҳбари Федератсияи муҳоҷирони Русия, Вадим Коженов сабаби задухӯрдҳои муҳоҷирон дар Маскавро шарҳ дода гуфта буд, занозаниҳо байни муҳоҷирони меҳнатӣ бинобар шиддати кор, гаронии чиптаҳои парвоз ва мушкилоти равонӣ ба вуҷуд меоянд.

Тибқи маълумоти шаҳрдории Маскав тақрибан 200 муҳоҷир аз кишварҳои ИДМ бо сабабҳои вайрон кардани қоидаҳои будубош ва тартиботи ҷамъиятӣ аз пойтахт ихроҷ шуда, ба 17,5 ҳазор нафари дигар вуруд ба Русия манъ карда шудааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Россия

Россия

Русия: Таҳияи қонуни нав дар бораи муҳоҷират

Россия

Интихоботи Русия тағйироти ҷиддие ба зиндагонии муҳоҷирон намеорад

Россия

Ҳамла ба донишгоҳи Перм

Афғонистон

Оё Толибон дар ҳамкорӣ бо Русия ҳукумати Ғаниро сарнагун кард?