Сиёсат

Эмомалӣ Раҳмон рӯзи якшанбе ба Эрон сафар мекунад

Қарор аст фардо якшанбе 29-уми майи соли ҷорӣ раисҷумҳури Тоҷикистон Эмомалӣ Раҳмон дар раъси як ҳайати баландпояи мақомҳои давлатӣ ба Эрон сафар кунад. Дар ин бора расонаҳои эронӣ хабар доданд.

То лаҳзаи омодашавии ин хабар расонаҳои давлатии Тоҷикистон, аз ҷумла АМИТ "Ховар" ва Маркази матбуоти Президент дар ин бора чизе нашар накардаанд.

Гуфта мешавад, ин сафар бо даъвати раисҷумҳури Эрон Иброҳим Раисӣ сурат гирифта, дар ҷараёни он гуфтугӯҳои ҳайатҳои олии ду кишвар ва ҳамчунин имзои чанд санади ҳамкорӣ дар самтҳои сиёсӣ, иқтисодӣ, фарҳангӣ ва ғайра дар назар аст.

Иброҳим Раисӣ тобистони соли гузашта бо ҳадафи ширкат дар нишасти сарони кишварҳои узви Созмони Шонҳой ба Душанбе омада буд, ки дар ҷараёни он Эрон ҳамчун узви ин созмон пазируфта шуд.

Эмомалӣ Раҳмон бори охир 9 соли пеш дар маросими қасамёдкунии раисҷумҳури собиқи Эрон Ҳасан Руҳонӣ ба ин кишвар сафар карда буд. Пас аз тирагиҳо дар муомилаҳои дипломатии ду кишвар, тайи ду соли ахир он рӯ ба беҳбудӣ овардааст.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Сиёсат

Сиёсат

Дидори Фарҳод Салим бо Рафаэл Гроссӣ дар Вена

Тоҷикистон

Баргузории маҷлиси Ҳукумати Тоҷикистон дар Душанбе

Тоҷикистон

Мулоқоти Фарҳод Салим бо Питер Лански-Тиффентал

Сиёсат

ВКХ: "Селфӣ" ё намоиши тағйири ранги парчамҳо