35.9 C
Dushanbe

Тоҷикистон имкони пазириши то 10 ҳазор паноҳҷӯи афғонро дорад

Ёдгор Файзов раиси вилояти Мухтори Кӯҳистони Бадахшони Тоҷикистон ибороз дошт, ки Тоҷикистон имкони пазириши 10 ҳазор паноҳҷӯи афғонӣ дар ин минтақа дар сурати шиддат гирифтани даргириҳоро дорад.

Тибқи хабари сомонаи “Tajweek” раиси ВМКБ бо ишора ба марзи тӯлонии вилояти Бадахшони Тоҷикистон бо Афғонистон ва шиддат гирифтани даргириҳо баён дошт, ки омодаи пазириши 10 ҳазор паноҳҷӯи афғонистонӣ ҳастем.

Ёдгор Файзов таъкид карда, ки дар солҳои ҷанги дохилии Тоҷикистон мақомоти вақти давлати Афғонистон ба теъдоди зиёди паноҳандагони тоҷик заминаи истиқоматро дода буданд ва акнун вазифаи тоҷикҳост, ки дар сурати вуруди сокинони вилояти Бадахшони Афғонистон дар пайи даргириҳои шадид миёни нерӯҳои давлатӣ ва гурӯҳи толибон ба афғонҳо паноҳ диханд.

Бинобарин мақомоти вилояти Бадахшони Тоҷикистон ба дунболи мушаххас кардани макони эҳтимолии пазириши паноҳҷӯёни афғонӣ, захирасозии сӯхт, маводи ғизоӣ ва дигар имконот барои ин афрод мебошанд.

Ёдгор Файзов афзуд, бо таваҷҷӯҳ ба инки гурӯҳҳои мухолифи давлати Кобул дар фармондориҳои Баҳорак, Зебок ва Дарвози вилояти Бадахшони Афғонистон рӯбарӯи марзи Тоҷикистон қарор доранд, зарур аст, ки амнияти марз ва тавони размии нерӯҳои марзбонони Тоҷикистон ҷиҳати муқобила бо ҳар навъ таҳаррукоти гурӯҳҳои террористии фаъол дар вилояти Бадахшони Афғонистон тақвият шавад.

Бисёре аз коршиносони масоили сиёсӣ бар ин назаранд, ки бо оғози хуруҷи нерӯҳои ИМА аз Афғонистон таҳаррукоти гурғҳҳои террористӣ дар минтақаҳои шимолии ин кишвар ва дар наздикии марз бо Тоҷикистон афзоиш ёфта аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.