27.9 C
Dushanbe

Тоҷикистон хоҳони эълони оташбас дар Панҷшер шуд

Вазири корҳои хориҷии Тоҷикистон пас аз мулоқот бо раҳбари сиёсати хориҷии Иттиҳоди Аврупо хостори эълони оташбас дар вилояти Панҷшери Афғонистон шуд.

Дар изҳороти ҷаноби Сироҷиддин Муҳриддин, вазири корҳои хориҷии Тоҷикистон пас аз мулоқот дар Душанб бо Ҷозеф Боррел, Намояндаи сиёсати хориҷии Иттиҳоди Аврупо таъкид кард: “Дар рафти музокирот ба амнияту суботи марзҳои Тоҷикистон ва вазъи Афғонистону минтақа таваҷҷуҳи зиёд зоҳир карда шуд.”

Тоҷикистон мегӯяд: “Мо хоҳони истиқрори ҳарчи зудтари сулҳу субот дар Афғонистон, ки омили муҳими таъмини амният дар минтақа мебошад, ҳастем.”

Ҳукумати Тоҷикистон аз оғози шиддат гирифтани низоъҳо дар Афғонистон ва сари қудрат омадани Толибон пайваста такрор мекунад: “Мо таъсиси ҳукумати ҳамашумул ва фарогири манфиатҳои ҳамаи гурӯҳҳои иҷтимоӣ ва қавму миллатҳои сокини Афғонистонро омили калидии истиқрори сулҳу суботи пойдор дар Афғонистон донистем.”

Возири корҳои хориҷии Тоҷикистон меафзояд: “Ҳарчи тезтар аз байн бурдани низоъ ва ташаннуҷ дар вилояти Панҷшер тавассути эълон кардани оташбас ва кушодани роҳҳо барои расонидани кумакҳои башардӯстона ба мардуми ин минтақа аз вазифаҳои муҳимтарин дониста шуданд.”

Гуфтанист, дар наздик ба 100 рӯз пеш дар 15-уми августи соли ҷорӣ нерӯҳои Толибон дар Афғонистон қудратро пурра ба тасарруфи худ дароварданд ва худи ҳамон рӯз президенти амалкунандаи ин кишвар Ашраф Ғанӣ фирор кард. Артиш пароканда шуд, низоми аз байн рафт ва айни замон дар раъси қудрат Толибон қарор доранд. Тоҷикистон ва хеле аз кишварҳои дунё шарти ба расмият шинохтани Толибонро ташкили ҳукумати ҳамашумул эълон кардаанд, аммо Толибон аз таъсиси ҳукумати ҳамашумул таърифи дигар доранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.