Мусобиқаи қаҳрамонии Осиё оид ба велосипедронӣ аз 25-ум то 29-уми марти соли ҷорӣ бо ҳузури намояндаҳои 35 давлат дар шаҳри Душанбе баргузор мешавад.
Усома Аш-Шаъфор, Раиси Иттиҳоди дучархаронони Осиё ба хабаргузории давлатии Амороти Муттаҳидаи Араб (АМА) ВОМ гуфтааст, ки дар соли 2022 Тоҷикистон мақсади аввали дучархаронони Осиё мебошад.
Ба гуфтаи Усома Аш-Шаъфор дар Мусобиқаи қаҳрамонии Осиё оид ба велосипедронӣ, ки баҳори имсол дар рӯзҳои Наврӯзӣ дар шаҳри Душанбе баргузор мешавад, дучархаронони 35 давлати дунё ширкат хоҳанд кард.
Пеш аз ин Кумитаи миллии олимпии Тоҷикистон хабар дода буд, ки Мусобиқаи қаҳрамонии Осиё оид ба велосипедронӣ дар шаҳри Душанбе аз 25-28-уми марти соли 2022 гузаронида мешавад.
