32.9 C
Dushanbe

Тоҷикистон нозирони САҲА-ро барои интихоботи 11 октябр то ҳанӯз даъват накардааст

Созмони Амният ва Ҳамкории Аврупо (САҲА) як созмони байналмиллалӣ, ки интихоботи кишварҳоро назорат мекунад ва дар охир аз нигоҳи қавонини демократӣ мутобиқ будан ва ё набудани онҳоро баҳо медиҳад, иддао дорад, ки то ҳанӯз даъвати расмӣ барои назорати интихоботи президентии Тоҷикистонро дарёфт накардааст.

Хабаргузории “Садои Хуросон” бо такя ба сомонаи Осиёи Марказӣ менависад, ки Лорен Баранауска, сухангӯи Созмони Амният ва Ҳамкории Аврупо (САҲА) гуфтааст, ин созмон то ҳол даъвати расмӣ барои назорат дар интихоботи президентии 11 октябр дар Тоҷикистонро нагирифтааст ва умедвор аст, ки ин даъватнома рӯзҳои наздик ба онҳо ирсол карда мешавад.

Ин созмони байналмиллалӣ шурӯъ аз соли 2006 то ҳол бар раванди баргузории интихоботи порлумонӣ ва президентии Тоҷикистон назорат бурдааст, вале ҳеҷ як аз интихоботи гузаштаро шаффофу демократӣ ва мутобиқ бо меъёрҳои байналмилалӣ унвон накардааст.

Комиссияи марказии интихоботи Тоҷикистон (КМИРТ) бо вуҷуди ин, ки то баргузории интихоботи раёсати ҷумҳурӣ камтар аз як моҳ монда аст,  дар бораи ҳузури нозирони байналмилалӣ ибрози назар накардааст.

Дар солҳои ахир ихтилофи назари Тоҷикистон ва Созмони Амният ва Ҳамкории Аврупо дар бораи мухолифони сиёсии ҳукумати Душанбе шиддат ёфта ва фаъолияти ин созмон дар Тоҷикистон маҳдуд шудааст. Ҳатто чанд маротиба дар назди Дафтари САҲА дар Душанбе эътирозҳо баргузор гардида, мӯътаризон хостори он шуданд, ки мухолифонро дар Аврупо роҳ надиҳанд.

Коршиносон бар ин назаранд, ки мақомоти Тоҷикистон ба ҳеч навъ эътирози оммавӣ ва худҷӯш ҳеҷгоҳ иҷозат намедиҳанд, ба ҷуз чанд тан ҷавононе, ки худи ниҳодҳои амниятӣ онҳоро омода кардаанд то бар зидди мухолифони сиёсии ҳукумат дар назди сафорати Олмон ва Дафтари САҲА дар Душанбе эътироз кунанд. Мақомот мегӯянд, ин гурӯҳ бо хоҳиши худашон чунин эътирозҳоро ташкил медиҳанд, вале касе аз равшанфикрон ва озодандешон ба ин гуфтаи мақомот бовар надоранд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.