16.9 C
Dushanbe

Тоҷикистон: Сабти дубора ҳудуди 5 миллин симкорт

То имрӯз 4 миллиону 960 ҳазор симкортҳои операторони мобилии худро муштариён бо шиносномаҳои (ID) намунаи соли 2014 дубора сабти ном кардаанд.

Дар ин бора имрӯз, 12-уми июл муовини раиси хадамоти алоқаи Тоҷикистон Илҳом Атоев дар нишасти матбуотиаш хабар дод.

Вай афзуд, шумораи умумии муштариёни алоқаи мобилӣ дар кишвар, 7 миллиону 571 ҳазор нафарро ташкил медиҳад. Аз ин шумор 5 миллиону 144 ҳазор муштарии фаъоли мобилӣ ба қайд гирифта шудааст.

Илҳом Атоев дар суҳбат бо хабарнигорон гуфт, ки аз шумораи умумии муштариён 2 миллиону 444 ҳазор симкорт то кунун дубора бо шиносномаи нави пластикӣ сабти ном нашудаанд.

Ба гуфтаи ӯ, то ба итмом расидани давраи сабти дубораи симкортҳо 8 моҳ боқӣ мондааст, яъне то 15 феврали соли 2022. Агар муштариён сари вақт симкортҳои худро сабти ном накунанд, рақамҳои онҳо хомӯш карда мешаванд.

Ёдовар мешавем, ки 30-юми апрели соли 2016 қарори ҳукумат “Дар бораи алоқаи барқӣ” қабул гардид. Ин қарор аз 15-уми феврали соли 2019 эътибор пайдо кард. Тибқи ин санад, ҳамаи муштариён бояд симкортҳои худро бо шиносномаҳои навъи соли 2014 ((ID) шиносномаи нави пластикӣ) то 15-уми августи соли 2019 дубора сабти ном мекарданд.

Аз сабаби шикоятҳои зиёди сокинон ва навбатҳои калоне, ки пас аз эътибор пайдо кардани ин қарор дар нуқтаҳои шиносномадиҳӣ ба миён омад, Эмомалӣ Раҳмон ин мӯҳлатро то 15 феврали соли 2020 ва сипас то 15 феврали соли 2022 тамдид кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сарвати пурасрор: Ҳамсари сарвазири Тоҷикистон дар Дубай қасрҳои боҳашамат харидааст

Сарвазири Тоҷикистон ва ҳамсараш ба суолҳо дар бораи он ки чӣ гуна тавонистааст дар кишвари худ ва Имороти Муттаҳидаи Арабӣ соҳиби амволи ғайриманқул шавад, посух надод.

Вазъи муҳоҷирони тоҷик дар Русия беҳтар мешавад?

Владимир Колоколтсев, вазири корҳои дохилии Русия дар пасманзари ҳодисаи хунин дар "Крокус" ба Тоҷикистон омад.

Баррасии масоили иқтисодии Тоҷикистону Туркия

Нишасти навбатии Комиссияи муштараки иқтисодии Тоҷикистон ва Туркия бо ҳузури намояндаҳои ду кишвар баргузор шуд.

Афзоиши шумори Қурбониёни ҳамлаҳои Исроил дар Ғазза

Субҳи рӯзи 28-уми май нерӯҳои исроилӣ урдугоҳҳои оварагон дар қисмати ғарбии шаҳри Рафаҳро ба шиддат бомборон карданд, ки дар натиҷа 16 нафар кушта ва даҳҳо каси дигар маҷруҳ шудаст.