Нерӯҳои низомии Тоҷикистон аз фурӯдгоҳи “Айнӣ”-и шаҳри Ҳисор бо ҳавопаймои низомии Русия ба Қазоқистон парвоз карданд.
Хабаргузории “РИА Новости” аз дафтари матбуоти Вазорати дифои Русия иттилоъ медиҳад, ки Тоҷикистон имрӯз 7-уми январ сарбозони худро дар чорчӯби СААД бо ҳавопаймоҳои низомии Русия ба Қазоқистон фиристод ва аллакай ҳавопаймои Ил-76 аз фурудгоҳи Ҳисор парвоз анҷом додааст.
Военные Таджикистана из сил ОДКБ вылетают в Казахстан с аэродрома Гиссар. Их доставят в военные самолеты РФ Ил-76, сообщили РИА Новости в Минобороны РФ pic.twitter.com/eCyEwI2iCn
— Аслан (@nHPoUmF6dROjz9v) January 7, 2022
Қаблан иттилоъ дода шуда буд, ки Тоҷикистон дар ҳайати нерӯҳои “посдори сулҳи СПАД” ба Қазоқистон наздики 200 нафар низомиёни худро мефиристад.
То имрӯз аз кишварҳои узви СААД ба Қазоқистон ҳудуди 4000 нерӯи низомӣ бурда шудааст. Аз ҷумла Расия 3000, Белорус 500, Тоҷикистон 200, Қирғизстон 150 ва Арманистон 100 нафар аз нерӯҳои худро фиристодаанд.
Ба иттилои хабаргузории “ХОВАР” имрӯз намояндагони ҳарду палатаи Парлумони Тоҷикистон барои ирсоли нерӯҳои низомӣ ба Қазоқистон розигӣ доданд. Аммо баъдтар “Азия-Плюс” аз дафтари матбуоти Маҷлиси намояндагон хабар дод, ки гуфтаанд, “имрӯз баргузории ҷаласае дар назар нест.”
