38.9 C
Dushanbe

Тоҷикистон сарбозони худро аз фурӯдгоҳи Ҳисор ба Қазоқистон фиристод

Нерӯҳои низомии Тоҷикистон аз фурӯдгоҳи “Айнӣ”-и шаҳри Ҳисор бо ҳавопаймои низомии Русия ба Қазоқистон парвоз карданд.

Акс аз гузориши “РИА Новости”

Хабаргузории “РИА Новости” аз дафтари матбуоти Вазорати дифои Русия иттилоъ медиҳад, ки Тоҷикистон имрӯз 7-уми январ сарбозони худро дар чорчӯби СААД бо ҳавопаймоҳои низомии Русия ба Қазоқистон фиристод ва аллакай ҳавопаймои Ил-76 аз фурудгоҳи Ҳисор парвоз анҷом додааст.

Қаблан иттилоъ дода шуда буд, ки Тоҷикистон дар ҳайати нерӯҳои “посдори сулҳи СПАД” ба Қазоқистон наздики 200 нафар низомиёни худро мефиристад.

То имрӯз аз кишварҳои узви СААД ба Қазоқистон ҳудуди 4000 нерӯи низомӣ бурда шудааст. Аз ҷумла Расия 3000, Белорус 500, Тоҷикистон 200, Қирғизстон 150 ва Арманистон 100 нафар аз нерӯҳои худро фиристодаанд.

Ба иттилои хабаргузории “ХОВАР” имрӯз намояндагони ҳарду палатаи Парлумони Тоҷикистон барои ирсоли нерӯҳои низомӣ ба Қазоқистон розигӣ доданд. Аммо баъдтар “Азия-Плюс” аз дафтари матбуоти Маҷлиси намояндагон хабар дод, ки гуфтаанд, “имрӯз баргузории ҷаласае дар назар нест.”

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишор болои наздикони фаъолони зодаи Бадахшон

Мақомоти Тоҷикистон фишор болои хонаводаҳои зодагони Вилояти Мухтори Кӯҳистони Бадахшонро, ки дар хориҷ аз Тоҷикистонанду дар ҷустуҷӯ қарор доранд, сахттар кардааст.

Тазоҳуроти фаъолон дар Олмон: Ҳамкорӣ бо Тоҷикистон қатъ шавад!

Гурӯҳе аз фаъолон дар Олмон бо баргузории тазоҳурот ва дархости озодии Абдуллоҳи Шамсиддин, хостори қатъи ҳамкорӣ бо Тоҷикистон шуданд.

Муттаҳидони Русия ҳамлаҳои Исроил ба Эрон ва Ғаззаро маҳкум карданд

Раҳбарони кишварҳои узви гурӯҳи БРИКС дар як баёнияи муштарак...

Боздошти ду ҷавони тоҷик дар Русия бо иттиҳоми озори ноболиғон

Пас аз баргузории ҷашнвораи фарҳангии тоҷикон дар шаҳри Красноярски Русия, ду ҷавони тоҷик бо иттиҳоми озору азияти ду духтари 14-сола боздошт шудаанд.