Тоҷикистону Қирғизистон бояд то 9 май 112 км марзро муйян кунанд
Ҷумҳуриҳои Тоҷикистону Қирғизистон тибқи қарори комиссияи кории дуҷониба то 9 май 112 километр сарҳадро муайян мекунанд. Дар ин бора раиси КДАМ-и Қирғизистон Камчибек Тошиев дар суҳбат бо сокинони деҳаи Мақсат изҳор доштааст. Ба гуфтаи Тошиев, ҷонибҳо оид ба якчанд қитъаҳо ба хулосаи ягона омадаанд.
Ӯ ҳамчунин дар идомаи суҳбаташ иброз дошт, ки ин созишнома зимни вохӯрии Эмомалӣ Раҳмон ва Ҷабборов ба имзо расида, сипас таъйин ва аломатгузории сарҳад анҷом дода мешавад.
Протоколи имзошударо оид ба таъйину аломатгузории сарҳади байни Тоҷикистону Қирғизистон ҷонибҳо ҳоло расман шарҳ надодаанд.
Тоҷикистону Қирғизистон 976 километр марзи муштарак доранд ва то кунун бештар аз 504 километри он мушаххас ва аломатгузорӣ шудааст.
Боқимондаи заминҳо дар марз номуайян боқӣ мондааст. Ин номуайянӣ боис шудааст, ки миёни сокинони наздимарзӣ танишҳо рух диҳанд, ки ба занозанию тирпаронӣ ва марги одамон аз ҳарду ҷониб мерасонад.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.