28.9 C
Dushanbe

Баргузории интихоботи президентии ғайринавбатӣ дар Қазоқистон

Раисҷумҳури Қазоқистон Қосим-Ҷомарт Тоқаев, рӯзи 1-уми сентябр дар паёме ба порлумон аз баргузории интихоботи ғайринавбатии президентӣ дар тирамоҳи имсол хабар дод.

Тоқаев зимни паёмаш ба мардуми Қазоқистон гуфт, ки “Барои татбиқи бомуваффақияти ислоҳоти решаӣ ва фарогир барои бунёди Қазоқистони одилу шукуфо мандати боварии халқ лозим аст. Барои ман манфиатҳои давлат аз ҳама болост. Аз ин рӯ, ман омодаам, ки замони салоҳиятҳои худро коҳиш дода, ба интихоботи ғайринавбатӣ биравам”.

Инчунин раисҷумҳури Қазоқистон пешниҳод кардааст, ки муҳлати президентӣ то як давраи ҳафтсола маҳдуд карда шавад ва ба нафаре, ки президент интихоб шуд, ҳаққи дубора номзад шудан дода нашавад.

Ӯ дар робита ба ин пешниҳодаш гуфтааст, ки “Пешниҳоди ман хатарҳои инҳисор (монополия)-и қудратро ба таври назаррас коҳиш медиҳад”.

Тоқаев инчунин пешниҳод кардааст, ки интихоботи пеш аз муҳлати порлумонӣ дар нимаи аввали соли 2023 баргузор шавад. Ба гуфтаи ӯ, интихоби вакилони шӯроҳои маҳаллӣ низ дар он вақт хоҳад гузашт. Қарор буд, интихоботи президентӣ дар Қазоқистон соли 2024 ва интихоботи порлумонӣ соли 2025 баргузор шавад.

Барои баргузории интихоботҳо, аввал порлумон бояд пешниҳодро бипазирад ва онро ба Кумисюни марказии интихобот фиристад.

Ёдовар мешавем, ки Қосим-Ҷомарт Тоқаев дар интихоботи ғайринавбатии президентӣ дар моҳи июни соли 2019 бо ба даст овардани аксари оро раисҷумҳури Қазоқистон интихоб шуда буд. Тибқи Қонуни асосии Қазоқистон, як нафар танҳо ба ду давраи пансаолаи президентӣ ҳақ дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.