14.9 C
Dushanbe

Толибон: Ҳаракати Ансоруллоҳи Тоҷикистон гурӯҳи террористӣ нест

Толибони Афғонистон Ҳаракати Ансоруллоҳи Тоҷикистон, ки ахиран ба Таҳрики Толибони Тоҷикистон (ТТТ) тағйир ном карда ва акасари нерӯҳояш дар манотиқи назди марзии Афғонистону ҳузур доранд, гурӯҳи террористӣ намешиносад.

Бино ба иттилои ББС, Амрихон Муттақӣ, ки имрӯз дар Маркази мутолеоти стратегӣ дар пойтахти Покиситон шаҳри Исломобод суҳбат мекард, гуфт, дар Афғонистон ҳатто як гурӯҳи террористӣ вуҷуд надорад.”

Вазири умури хориҷии ҳукумати муваққати Толибон дар Афғонистон таъкид кард: “ин ки мегӯянд дар Афғонистон чандин гурӯҳи террористӣ вуҷуд дорад, таблиғотест, ки хилофи мо дар 20 соли гузашта анҷом мешавад. Чанд гурӯҳи террористӣ на, як гурӯҳи террористиро пайдо кунанд, ки нест. Як мадрак ҳам надоранд. Ин ҳама талошҳо барои бадномии мост.”

Амирхон Муттақӣ бо ишора ба ҳузури бархе аъзои Таҳрики Толибони Покистон маъруф ба ТТП гуфта ба онҳо иҷозаи фаъолият аз Афғонистон алайҳи Покистон дода намешавад, “чун ба нафъи мо ва ба нафъи Покистон нест.”

Гуфта мешавад, Вазири умури хориҷии Афғонистон, ки бо бардоштани маҳдудиятҳои муваққатии сафарҳои хориҷиаш аз сӯи Созмони Миллали Муттаҳид дар Покистон ҳузур дорад, ду рӯз пеш аз ин барои ширкат кардан дар Нишасти панҷуми вазирони умури хориҷии кишварҳои Покистону Чин ва Афғонистон ба Исломобод сафар кардааст.

Вазири корҳои хориҷии Толибон дар ҳоле таъкид мекунад, ки Иморати исломӣ ба ҳеч кас иҷоза намедиҳад аз хоки Афғонистон алайҳи ҳеч кишваре дигар истифода кунад, вале мақомоти Тоҷикистон борҳо иддао кардаанд, ки ҳузури беш аз 10 гурӯҳҳои террористӣ дар манотиқи назди марзии Афғонистон онҳоро нигарон кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.