31.9 C
Dushanbe

Ҳукумати Толибон будҷаи соли ояндаи Афғонистонро омода кардааст

Ҳаракати Толибон, ки 4 моҳ мешавад идораи Афғонистонро дар даст дорад, бидуни эътирофи ҷомеаи ҷаҳонӣ ва кумакҳои хориҷӣ будҷаи молии соли ояндаи худ барои идораи ин кишварро таҳия кардааст.

Сухангӯи Вазорати молияи Афғонистон Аҳмадвалӣ Ҳақмал ба расонаҳо гуфтааст, ки будҷаи молии соли ояндаи Афғонистон омодааст ва пас аз ниҳоӣ шудани он ба зудӣ ба Раёсати вузаро рафта, тасвиб хоҳад шуд.

Аҳмадвалӣ Ҳақмал афзуда, ки будҷаи молии соли ҷорӣ одӣ аст ва аз сӯи ҳукумат маблағгузорӣ гардида ва то охири сол моҳонаи кормандони давлатӣ пардохт мешавад.

Пеш аз ин Аҳмадвалӣ Ҳақмал, сухангӯи Вазорати молияи Афғонистон дар ҳукумати Толибон дар робита ба даромади ниҳодҳои давлатӣ гуфта буд, ки дар соли ҷорӣ зиёда аз 62 миллиард афғонӣ (наздик ба 600 млн доллар) даромад доштаанд.

Толибон чор моҳ пеш дар 15-уми августи соли ҷорӣ пас аз фирори Ашраф Ғанӣ аз Кобул қудратро дар Афғонистон ба тасарруфи худ дароварданд ва бо гузашти беш аз 120 рӯз то ҳол ягон давлати дунё ҳукумати онҳоро ба расмият нашинохтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.