21.9 C
Dushanbe

Толибон: Қотили волии Балх тоҷикистонӣ буд

Мақомоти истихбороти Толибон мегӯянд, қотили волии пешини Балх дар шаҳри Мазори арифи Афғонистон як шаҳрванди Тоҷикистон буд.

Идораи истихбороти Толибон дар Кобул мегӯяд, “ҳамлагари ДИИШ, ки волии пешини Балхро кушт, шаҳрванди Тоҷикистон буд, ки барои анҷоми ин амалиёт ба Афғонистон фиристода шуда буд.”

Ба қавли манбаъ, идораи истихборот (амният)-и Толибон гуфтааст, ки афродеро, ки дар террори волии Толибон дар Балх Муҳаммаддовуд Музаммил даст доштанд, дастгир кардааст.

Хабари таркиш дар маркази маъмурии вилояти Балх дар шаҳри Мазори Шарифи Афғонистон, ки боиси кушта ва захмӣ шудани беш аз 10 нафар гардида буд, ки хеле сару садоҳои зиёдеро дар расонаҳо ба по карда буд. ДИИШ ҳам як рӯз пас аз ин ҳамла масъулияти онро бар уҳда гирифт ва Толибон ҳам гуфта будад, ки таҳқиқот дар ин бора оғоз шудааст.

Гуфта мешавад, ин бори аввал нест, ки Толибон шаҳрвандони Тоҷикистонро дар анҷоми амлиётҳои низомӣ муттаҳам мекунанд, балки пеш аз ин ҳам идораи истихбороти Толибон як шаҳрванди Тоҷикистон дар террори мавлавӣ Муҷибурраҳмон Ансорӣ дар Ҳирот, сӯи қасд ба Гулбиддин Ҳикматёр, раиси Ҳизби исломии Афғонистон низ муттаҳам карда буданд. Иттиҳомоте, ки афроди муттаҳам ва ё вакилони онҳо ин иддаҳоъоро то ҳол таъйид ва ё такзиб накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.