Дар замони пендемияи COVID-19 алоқаҳои Амрикову Чин ба тадриҷ тира гашт. Амрико Чинро сабабгори аслии ношири вируси корона медонад, аммо Чин ин иттиҳомро пайваста рад мекунад. Дар идомаи ин буҳрон Доналд Трамп, раисҷумҳури Амрико рӯзи душанбе 6-уми июли соли ҷорӣ Чинро бори дигар муттаҳам кард, ки хасорати ҷуброннопазире ба сари мардуми дунё овардааст.
Доналд Трамп дар саҳифаи тивитраш навишт: “Чин хасорати бузурге ба Амрико ва ҷаҳон ворид кардааст”.
China has caused great damage to the United States and the rest of the World!
— Donald J. Trump (@realDonaldTrump) July 6, 2020
Бино бар гузориши маҷаллаи “Newsweek”-и амрикоӣ, Марк Медоуз, раиси Дастгоҳи иҷроияи Кохи сафед низ иқрор шудааст, ки раисҷумҳури Амрико дар ҳоли баррасии чандин қарорҳое аст, ки Чинро мавриди ҳадаф қарор медиҳад. Ин мақоми амрикоӣ бидуни зикри ҷузъиёт гуфт, ин таҳримҳо марбут ба баъзе корханаҳо ва маҳдудиятҳои визаву сафар хоҳад буд.
Дар моҳҳои гузашта Трамп борҳо Чинро ба эҷоди буҳрони ҷаҳонӣ ба далели ношаффофиятӣ дар баробари вируси корона муттаҳам кард, ба хусус дар мавриди ин ки ба назари Трамп ин вирус дар аввали моҳои декабр дар шаҳри Вуҳани Чин пайдо ва мунташир шуда буд ва мақомоти Чин онро пинҳоен доштанд.
Бисёре аз масъулони давлати Трамп, аз ҷумла Майк Пампео, вазири умури хориҷаи Амрико борҳо ин вирусро “вируси Чинӣ” номиданд, ки ин амр хашми Пекинро барангехтааст.
