26.9 C
Dushanbe

Трамп Чинро бо таҳримҳои нав таҳдид кард

Дар замони пендемияи COVID-19 алоқаҳои Амрикову Чин ба тадриҷ тира гашт. Амрико Чинро сабабгори аслии ношири вируси корона медонад, аммо Чин ин иттиҳомро пайваста рад мекунад. Дар идомаи ин буҳрон Доналд Трамп, раисҷумҳури Амрико рӯзи душанбе 6-уми июли соли ҷорӣ Чинро бори дигар муттаҳам кард, ки хасорати ҷуброннопазире ба сари мардуми дунё овардааст.

Доналд Трамп дар саҳифаи тивитраш навишт: “Чин хасорати бузурге ба Амрико ва ҷаҳон ворид кардааст”.

Бино бар гузориши маҷаллаи “Newsweek”-и амрикоӣ, Марк Медоуз, раиси Дастгоҳи иҷроияи Кохи сафед низ иқрор шудааст, ки раисҷумҳури Амрико дар ҳоли баррасии чандин қарорҳое аст, ки Чинро мавриди ҳадаф қарор медиҳад. Ин мақоми амрикоӣ бидуни зикри ҷузъиёт гуфт, ин таҳримҳо марбут ба баъзе корханаҳо ва маҳдудиятҳои визаву сафар хоҳад буд.

Дар моҳҳои гузашта Трамп борҳо Чинро ба эҷоди буҳрони ҷаҳонӣ ба далели ношаффофиятӣ дар баробари вируси корона муттаҳам кард, ба хусус дар мавриди ин ки ба назари Трамп ин вирус дар аввали моҳои декабр дар шаҳри Вуҳани Чин пайдо ва мунташир шуда буд ва мақомоти Чин онро пинҳоен доштанд.

Бисёре аз масъулони давлати Трамп, аз ҷумла Майк Пампео, вазири умури хориҷаи Амрико борҳо ин вирусро “вируси Чинӣ” номиданд, ки ин амр хашми Пекинро барангехтааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид. 

Истеъфои сармуррабии футбол

Сармураббии дастаи пуровазадори "Регар-ТадАЗ"-и шаҳри Турсунзода аз мақомаш истеъфо дод.

Ҳалокати як ҷавони тоҷик бар асри раъду барқ

Бар асри боришоти зиёди жола ва зарби раъду барқ дар бархе манотиқи кӯҳистонии Тоҷикистон як нафар ба ҳалок расидааст.

Мақомоти тоҷик аз боздоштҳои муҳоҷирон ба сафири Русия гила карданд

Вазорати корҳои хориҷии Тоҷикистон дар мулоқот бо сафири Русия аз боздоштҳои оммавии муҳоҷирон, ки тавассути мақомоти рус анҷом дода мешавад, изҳори нигоронӣ кардааст.