-4.6 C
Dushanbe

Юсуф Раҳмон бояд ба ҷавобгарӣ кашида шавад!

Ҷамшед Ёров, ҳуқуқдони тоҷики муқими Аврупо дар як муроҷиати видеоияш дар шабакаи иҷтимоии Фейсбук аз раисҷумҳури Тоҷикистон, Эмомалӣ Раҳмон талаб кардааст, ки Юсуф Раҳмонро ба хотири қонуншиканиҳояш ба ҷавобгарӣ бикашад.

Ёров дар муроҷиати видеоияш аз нишасти матуботии рӯзи 14-уми июл ёдовар шуда Юсуф Раҳмон ва муовинонашро ба қонуншиканӣ муттаҳам кард. Ҳуқуқдони тоҷик мегӯяд, Прокурори генералӣ ин сардори мақомотест, ки вобаста ба он бояд риояи дақиқи қонунҳоро дар қаламравӣ ҷумҳурӣ таъмин ва назорат намояд.

Ба гуфтаи Ёров вақте Прокурори генералӣ даст ба қонуншиканӣ мезанад, бояд фавран нисбаташ парванда боз шуда аз мақомаш барканор шавад ва чунин ашхос сазовори ин мақом нестанд. Ӯ дар идомаи сӯҳбаташ аз бениқоб ширкат кардани додситон ва муовинонаш дар толори конфронси матбуотӣ дар ҳузури даҳҳо рӯзноманигору коршинос ва риоя накардани ҳолатҳои санитарӣ дар замони пандемия, ки боиси сироят гаштани шаҳрвандон мегардад, интиқод намуда, ӯро поймолкунадаи қонун донист.

Ин дар ҳолест, ки ахиран раисҷумҳури Тоҷикистон зери беш аз 20 қонуне имзо гузошт, ки ҳарду палатаи Маҷлиси Олии кишвар баъди ворид кардани тағйиру иловаҳо онро таъйид кардаанд. Бо имзои ин қонунҳо ба қонуни буҷаи давлатӣ ҳам тағйирот ворид карда шуд, ки тасмими ҳукумат мабнӣ ба паёмадҳои COVID-19-ро қонунӣ кард.

Ёдовар мешавем, ки ҳаҷми ҷаримаи муқарраршуда ба афроди бидуни ниқоби тиббӣ дар давраи режими пандемия аз 116 то 290 сомонӣ муқаррар шудааст.

Шакли пурраи муроҷиати Ҷамшед Ёровро дар поён тамошо кунед:

Хабарро таблиғ кунед:

БЕШТАР БИХОНЕД
БЕШТАР БИХОНЕД

Марги як шаҳрванди Тоҷикистон дар Олмон

Як муҳоҷири 45-солаи шаҳрванди Тоҷикистон, ки дар Олмон кору зиндагӣ мекард, аз дунё даргузаштааст.

Шаҳбоз Шариф дубора Нахуствазир шуд

Шаҳбоз Шариф, бародари Муҳаммад Навоз Шариф дубора Нахуствазири Покистон интихоб шуд.

Боз 3 кӯдаки дигар аз дуди оташ заҳролуд шуда, ҷон бохтанд

Рӯзи 2-уми марти соли ҷорӣ 3 кӯдаки ноболиғ дар шаҳри Душанбе бар асари оташ гирифтани хона ҷон бохтанд.

Муфтиёти Тоҷикистон оғози моҳи Рамазонро эълон кард

Шӯрои улами Маркази исломии Тоҷикистон дар ҳамкорӣ бо Институти Астрофизикаи Академияи миллии илмҳои Тоҷикистон оғози моҳи Рамазонро муайян карданд.