21.9 C
Dushanbe

Вазъ дар марзи байни Тоҷикистон ва Афғонистон мураккаб шудааст

Акс аз: nm.tj

Вазъияти амнӣ дар марзи Тоҷикистону Афғонистон мураккаб гаштааст. Эмомалӣ Раҳмон ба аъзоёни Шӯрои амниятӣ ва роҳбарони сохторҳои низомии кишвар дастур додааст, ки барои таъмини амният дар марз қувваҳои муҳофизатиро тақвият бахшанд. Дар ин бора рӯзи 21 июл Дафтари матбуоти Раиси Ҷумҳурӣ дар сомонаи худ хабар дод.

Рӯзи 21 июл ҷаласаи Шӯрои амнияти Ҷумҳурии Тоҷикистон бо ҳузури Эмомалӣ Раҳмон доир гашт. Дар ин нишасти Шӯро масъалаи мураккаб гаштани вазъ дар марз байни Тоҷикистону Афғонистон дар минтақаи ҷануби Вилояти Мухтори Кӯҳистони Бадахшон баҳсу баррасӣ шудааст.

Раисҷумҳур зимни ин нишаст дастур додааст, ки дар баробари шиддат бахшидани қувваҳо, инчунин масъалаи пешгирии қонуншиканӣ дар марзи давлатӣ, аз ҷумла пешгирии ҷинояткории фаромиллӣ, терроризму экстремизм ва қочоқи маводи мухаддир таваҷҷуҳи махсус бидиҳанд.

Таҳлилгарони сиёсӣ масъалаи амният дар марз байни Тоҷикистону Афғонистонро ба вуҷуди Гурӯҳи Доиш дар Афғонистон ва қочоқҳои марзӣ рабт дода мегӯянд, ки ин масъалаҳо метавонад вазъиятро ҳар вақт дар марз мураккаб бисозанд. Аз ин рӯ, Тоҷикистонро мебояд, ки дар ин вазъияти ҳассос қувваҳои муҳофизатии худро тақвият бахшад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти се нафар бо иттиҳоми қаллобӣ дар Душанбе

Вазорати корҳои дохилии Тоҷикистон аз боздошти се нафаре хабар дод, ки ба иддаои ин ниҳод, онҳо бо роҳи фиреб додани мардум пулҳои калоне ба даст меовардаанд.

Марги се ҳоҷии тоҷик ҳангоми адои Ҳаҷ

Се нафар аз зоирони тоҷикистонӣ ҳангоми адои фаризаи Ҳаҷ дар Арабистони Саудӣ вафот кардаанд.

Дар ду рӯз 3 кӯдаки ноболиғ ғарқ шуд, кӣ гунаҳкор аст?

Рӯзҳои 16 ва 17-уми июни соли ҷорӣ дар Тоҷикистон се кӯдаки ноболиғ ғарқ шуданд, ки хурдтарини онҳо якунимсола буд.

Дар Русия пулис ҳам метавонад муҳоҷиронро ихроҷ кунад

Аз ин ба баъд пулиси Русия метавонад шаҳрвандони хориҷие, ки даст ба қонуншиканӣ задаанд, бидуни қарори додгоҳ аз Русия ихроҷ кунанд.