35.9 C
Dushanbe

Ҷумҳурии Қазоқистон тақрибан ба 2 млн шаҳрвандаш кумакпулӣ додааст

Акс аз today.kg

Мақомоти Қазоқистон рӯзи 28 июли соли ҷорӣ хабар доданд, ки ба 1,8 млн шаҳрванди ин кишвар кумакпулӣ дар ҳаҷми 100 долларӣ пардохтааст.

Радиои Озодӣ бо такя ба изҳороти вазортаи меҳнат ва ҳифзи иҷтимоии аҳолии Қазоқистон менависад: “То рӯзи 28 июл аз бештар аз 2,8 миллион шаҳрванд дар бораи дарёфти кӯмакпулӣ дархост ворид шудааст. Ба бештар аз 1,8 миллион қазоқистонӣ кӯмакпулиҳо пардохт шуданд”.

Дар ин изҳорот гуфта шудааст, ки Ҳукумати Қазоқистон кӯмакпулиҳои якдафъаинаро дар моҳи июл ба касоне пардохт мекунад, ки дар натиҷаи ҷорӣ гардидани карантини такрорӣ аз ҷои кор ва маош маҳрум шудаанд.

Карантине, ки дар Қазоқистон 5 июл эълом шуд, нахуст барои 14 рӯз мадди назар буд. Мақомоти он кишвар баъдтар онро то2 август тамдид карданд ва ҳамзамон эълом карданд, ки ба бархе аз шаҳрвандон кӯмакпулии давлатӣ пардохт хоҳад шуд.

Ин дар ҳолест, ки давлати Тоҷикистон чанде пеш хабар дода буд ба сабаби интишори каронавирус ба чанд гурӯҳ аз шаҳрвандони кишвар кумаки яквақта медиҳад. Гуфта мешавад ин кумаки яквақта ба аҳолӣ ба миқдорӣ 400 сомонӣ хоҳад буд. Гурӯҳи аҳолие, ки аз ин кумаки 400 сомонӣ бархурдор мешаванд, гурӯҳи осоебпазири ҷомеа ба ҳисоб мераванд. Ин гурӯҳ аз нафақахӯрон, маъюбон, ятимон, камбизоатон ва ғайра иборат буда, дар маҷмӯъ шуморашон ба 488 ҳазор нафар мерасад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.

Имзои 15 санади ҳамкорӣ байни Тоҷикистон ва Қатар

Маросими имзои 15 санади ҳамкорӣ байни Тоҷикистон ва Қатар бо ҳузури сарони ду кишвар дар шаҳри Душанбе баргузор шуд.

Идомаи боздошти муҳоҷирони тоҷик дар Русия

Нерӯҳои интизомии Федератсияи Русия субҳи имрӯз, 8-уми июн беш аз 27 муҳоҷири тоҷикро аз сохтмоне дар шаҳраки Котелникии вилояти Маскав боздошт карда, ба шуъбаи пулис бурдаанд.