-3.1 C
Dushanbe

Заминларза дар Покистон: 20 кушта ва зиёда аз 300 захмӣ

Дар асари як заминларза дар Балучистони Покистон дасти кам 20 нафар кушта ва зиёда аз 300 нафар ҷароҳат бардоштааст, ки вазъи саломатии 40 каси онҳо вазнин арзёбӣ мешавад.

7-уми октябр, Рӯзномаи “Ҷанг”-и Покистон иттилоъ дод, бомдоди имрӯз дар иёлати Балучистони Покистон заминларзае бо шиддати 5,9 дараҷаӣ ба вуқӯъ пайваста, дар натиҷа хисороти моддӣ талафоти ҷонии зиёде ба ҳамроҳ доштааст.

Ҳамзамон расонаҳо гузориш додаанд, ки бар асари ин заминҷунбӣ дар ноҳияи Ҳарноии Балучистон, ки як минтақаи кӯҳистонӣ аст, хаттҳои интиқоли нерӯи барқ ва алоқаи мобилӣ низ қатъ шуда, ба маҷруҳон бо рӯшноии телефонҳои ҳамроҳ кумак аввалияи тиббӣ расонидаанд.

Артиши Покистон ҳам баъдтар эълон кардааст, ки пас аз вуқӯъи ин ҳодиса воҳиди нерӯҳои вижаи кумакрасони он ба ҷои ҳодиса расида, кумакҳои аввалияи худро ба сокинони осебдида расонидааст. Инчунин тавассути чархбол баъзе осебдидаҳоро, ки ваъзи саломатиашон вахимтар будааст, ба бемористонҳои шаҳри Кувета интиқол додаанд.

Иёлати Балучистони Покистон як минтақаи кӯҳистонӣ аст ва яке аз иёлатҳои фақиртарини ин кишвар ба ҳисоб меравад, ки бунёди зерсохторҳои иҷтимоии суст ва осебпазир дониста мешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.