25.9 C
Dushanbe

Муфтии собиқи Қирғизистон даргузашт

Акс аз kabarlar.org

Ба гузориши хабаргузории Радиои Азаттык қирғизӣ муфтии собиқи Қирғизистон Чубак Ҷалилов шаби 11 июл бо нишонаҳои илтиҳоби дутарафаи шуш дар Бемористони миллии шаҳри Бишкек бистарӣ шуд ва пас аз як соат даргузашт.

Муоинаи пештараи ин руҳонии маъруф нишон дода, ки ӯ ба илтиҳоби шуш гирифтор аст, аммо то лаҳзаҳои охир дар хона табобат мегирифтааст.

Чубак Ҷалилов 21 январи соли 1975 дар деҳаи Бай-Мундузи ноҳияи Базар-Қурғони вилояти Ҷалолобод таваллуд шудааст. Соли 1996 Донишгоҳи исломии Қирғизистонро хатм карда, пас аз он се сол дар Донишгоҳи Миллии Қирғизистон ба номи Жусуп Баласагин аз забони арабӣ ба донишҷӯён дарс гуфтааст.

Ин руҳонии шинохта аз соли 2000 то 2006 дар Арабистони Саудӣ, дар Донишгоҳи байналмилалии Умм-ул-Қуро таҳсил кардааст. Ва аз соли 2010 то 2012 роҳбарияти Идораи муфтиёти мусулмонони Қирғизистонро роҳбарӣ мекард. Чубек Ҷалилов яке аз бонуфузтарин шахсиятҳои мазҳабӣ дар Қирғизистон дониста мешуд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон: 8 миллиард барои обу ҳаво

Кумитаи ҳифзи муҳити зисти Тоҷикистон ва Бонки Осиёии Рушд...

Боздошти Шокирҷон Ҳакимов, муовини раиси ҲСДТ

Шокирҷон Ҳакимов, муовини якуми раиси Ҳизби сотсиал-демократи Тоҷикисон аз...

Боздошти марди 59-солаи тоҷикистонӣ дар Олмон ба иттиҳоми қатли ҳамсар

Мақомоти олмонӣ як марди 59-солаи тоҷикистониро бо иттиҳоми қатли ҳамсараш боздошт кардаанд.

Баъди латукӯби сарбоз раиси суди ноҳияи Шамсиддин Шоҳин аз вазифа барканор шуд

Раиси суди ноҳияи Шамсиддин Шоҳини вилояти Хатлон, ки як сарбозро латукӯб карда буд, аз вазифа барканор шуд.