32.9 C
Dushanbe

САҲА ба фаъолияти Агентии зидди фасод “баҳои баланд” дод?

Имрӯз, 10-уми ноябри соли ҷорӣ намояндагони Созмони Амният ва Ҳамкории Аврупо бо раҳбарияти Агентии назорати молиявӣ ва мубориза бо коррупсияи Тоҷикистон мулоқот карданд.

Тавре Агентии зидди фасоди кишвар хабар медиҳад, ин мулоқоти бо ҳузури масъулони Агентӣ ва коршиносони Раёсати мубориза бо таҳдидҳои фаромиллӣ ва намояндагони Дафтари ҳамоҳангсоз оид ба масъалаҳои иқтисодӣ ва муҳити зисти САҲА сурат гирифтааст.

Гуфта мешавад, дар мулоқот ҷонибҳо дар бораи “ҷалби ҳарчӣ бештари ҷомеаи шаҳрвандӣ дар масоили муқовимат ба коррупсия ва ба роҳ мондани корҳои тарғиботию ташвиқотӣ дар байни ҷавонон ҷиҳати пешгирии содиршавии ҷинояткорӣ” изҳори назар кардаанд.

Ба иддаои Агентӣ, Дафтари ҳамоҳангсоз оид ба масъалаҳои иқтисодӣ ва муҳити зистии САҲА ба фаъолияти Агентӣ дар самтҳои болозикр баҳои баланд додааст. Инчунин ҷонибҳо аз тақвияти ҳамкориҳо гуфтаанд.

Агентӣ дар ҳоле аз баҳои баланд додани САҲА ба фаъолияти ин ниҳод мегӯяд, ки тақрибан ҳар ҳафта чандин нафар бо ҷинояти коррупсионӣ дар Тоҷикистон боздошт мешавад. Ва фасоду ришва дар тамоми сохторҳои давлатӣ ба авҷи аълои худ расидааст.

Ва инчунин фаъолиятҳои ин ниҳод дар масъалаи ҷалби ҷомеаи шаҳрвандӣ барои муқовимат ба коррупсия ва ё ҳамкориҳои он бо қишрҳои дигари ҷоме расонаӣ нашудааст ва маълум нест кай ва дар кадом сатҳ ин чорабинҳо иҷро шудаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.