Ҳуқуқ

Зақибек Саидаминӣ тафтишу муҳокимаи парвандаашро яктарафа номид

Завқибек Саидаминӣ, рӯзноманигори зиндонии тоҷик, ки бо иттиҳомоти сохтаи мақомот ба 7 соли зиндон маҳкум шуда буд, бо навиштани шикояти касатсионӣ аз Додгоҳи шаҳри Душанбе хостааст, ки ҳукмашро бекор кунанд.

Бино ба иттилои “Азия- Плюс” ин шикоят рӯзи 16-уми ноябр навишта шуда, дар он Завқибек Саидаминӣ бо чанд далел тафтишу муҳокимаи парвандаашро яктарафа ва нопурра номидааст.

Ин рӯзноманигори зиндонӣ менависад, ки аз ҳукми Додгоҳи ноҳияи Исмоили Сомонӣ, ки нисбаташ 7 соли зиндонро татбиқ кард, розӣ нест чун "додрас далелҳои пешниҳодкарда ва нишондоди бархе шоҳидонро ба назар нагирифту номи шоҳиди набударо дар ҳукм навишт."

Инчунин Саидаминӣ мегӯяд, ки санаи боздошташ ба санае, ки дар ҳукми суд омадааст мутобиқат намекунад ва даҳҳо далелҳои дигар дорад, ки метавонад онҳоро дар рафти мурофиаи кассатсионӣ тасдиқ кунад.

Коллаж аз “Азия- Плюс”

Ин рӯзноманигори зиндонӣ аз Додгоҳи шаҳри Душанбе хостааст, ки бо назардошти мавҷуд будани духӯрагиҳои зиёд дар рафти тафтиши пешакӣ ва судӣ, омодаи ҳамкорӣ будани ман бо мақомоти давлатӣ, аз ҷумла мақомоти ҳифзи ҳуқуқ, алайҳи гуруъӯҳҳои ифротгаро ва террористӣ, ҳукми Суди ноҳияи Исмоили Сомонӣ бозбинӣ ва бекор карда шавад.

Саидаминӣ илова кардааст, ки тамоми далелҳои айбдоркунанда тахмин ва нусхаи навиштаи муфаттиш буд.

Ёдовар мешавем, ки Завқибек Саидаминӣ 8-уми июли соли ҷорӣ аз ҷониби кормандони Раёсати мубориза бо ҷиноятҳои созмонёфтаи ВКД дар шаҳри Ваҳдат боздошт шуд.

Баъдан 3-уми ноябри соли ҷорӣ Додгоҳи ноҳияи Исмоили Сомонии шаҳри Душанбе ин рӯзноманигори тоҷикро барои 7 сол равонаи зиндон кард. Ӯ дар суханони охиринаш ҳама иттиҳомоти эълошударо рад карда буд.

Гуфта мешавад, мақомот ӯро дар ҳамкорӣ бо Ҳизби наҳзати исломии Тоҷикистон ва "Гурӯҳи 24" муттаҳам мекунад. Аммо худи ӯ борҳо ин иттиҳомотро рад кардааст.

Ҳамзамон ҲНИТ ва ҳам "Гурӯҳи 24" низ бо интишори баёнияҳое иттиҳомоти эълоншуда алйҳи Саидаминиро, ки ҳамкорӣ бо ин гурӯҳҳои мухолифи ҳукумат гуфта мешавад, рад карда, онро парвандаи сохтаи дасти мақомот номида буданд.

Мақомоти Тоҷикистон дар пайи як амалиёти махсус тобистони соли ҷорӣ чанд рӯзноманигор, аз ҷумла Абдуллоҳ Ғурбатӣ, Далери Имомалӣ, Абдусаттор Пирмуҳаммадзода, Завқибек Саидаминӣ, Муҳаммади Султон, Улфатхоним Мамадшоева ва чанд нафари дигарро боздошт карданд.

Боздошти ин рӯзноманигорони тоҷикро созмонҳои ҳуқуқӣ ва ҳимояи рӯзноманигорон маҳкум карда, борҳо озодии бечуну чарои онҳоро аз Ҳукумати Тоҷикистон талаб карданд, вале мақомоти тоҷик мисли ҳамеша ин дархостҳоро нодида гирифт.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Ҳуқуқ

Тоҷикистон

Тағйироти кадрӣ дар мақомоти судии Тоҷикистон

Ҳуқуқ

Бунёди "Бузургмеҳр" аз Мэри Лоулор хоста, ки аз зиндонҳои Тоҷикистон боздид кунад

Ҳуқуқ

Фишори аз ҳад зиёди мақомот болои модари Беҳрӯз Тағойзода

Тоҷикистон

Душанбе: Суд ҳукми Далери Имомалиро бетағйир гузошт