Охирин омори COVID-19 дар саросари ҷаҳон

Вируси корона рӯзона ҷони ҳазорҳо инсонро меситонад. Тибқи оморҳои расмӣ то ба имрӯз зиёда аз 13,3 млн нафар ба ин вирус мубтало шуданд ва 7,4 шифо ёфта наздики 580 ҳазор нафар дар сар то сари дунё аз ин вируси қотил ҷон бохтаанд.

Иёлоти Муттаҳидаи Амрико осебдидатарин давлат, дар баробари вируси COVID-19 ба шумор меравад. То имрӯз 3,4 млн амрикоӣ гирифтори ин вирус гашта бештар аз 136 ҳазор фавтидаанд.

Тибқи омори Донишгоҳи Ҷонс Ҳопкинси Амрико, Бразилия баъд аз Амрико бо шумори 1,9 млн гирифтор ва 74 ҳазор вафот мақоми дуюмро дар рӯйхати зарардидатарин давҳлатҳо аз COVID-19 ишғол намудааст.

Британяи Кабир мақоми сеюмро бо шумори зиёда аз 292 ҳазор гирифтор ва бештар аз 45 ҳазор вафот касб намудааст.

Ба ҳамин тартиб дар рӯйхати имрӯзаи омори COVID-19-и Донишгоҳи Ҷонс Ҳопкинси Амрико, Мексика бо 311 ҳазор гирифтор ва 36 ҳазор вафот, Итолиё 243 ҳазор гирифтор ва 35 ҳазор вафот, Фаронса бо 210 ҳазор мубтало ва 30 вафот, Испания 256 ҳазор мубтало ва 28 ҳазор гирифтор, Ҳиндустон бо теъдоди бештари гирифторон, 936 ҳазор гирифтор ва 24 ҳазор вафот раддабандӣ шудаанд.

Тибқи иттилои Вазорати тандурустии Тоҷикистон, аз 30 апрел то 14 июл дар кишвар шумораи гирифторони COVID-19 ба 6643 нафар расида, аз ин беморӣ то кунун дар мамлакат 5332 нафар ё худ 80,2%-и гирифторон шифо ёфтаанд. Ҳамзамон, дар ин муддат шумораи ҳолатҳои фавт аз ин беморӣ дар мамлакат ба 56 нафар расид.