24.9 C
Dushanbe

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Тибқи ҳушдори Кумитаи ҳолатҳои фавқуллодда, рӯзҳои 15-17-уми июни соли 2024 дар ноҳияҳои ғарбии ВМКБ вилояти Суғд ва навоҳии тобеи ҷумҳурӣ хатари омадани селҳо вуҷуд дорад.

Аз ҷониби Кумита ба сокинон тавсия дода мешавад, ки то ҳадди имкон аз сафарҳо ба минтақаҳои хатарзо ва ҷамоъоварии ҳезум дар кӯҳҳо худдорӣ кунанд.

Ёдовар мешавем, ки дар рӯзҳои 11-12-уми июни соли ҷорӣ дар чанд минтақаи кишвар боронҳои шадид борид, ки сабаби омадани сел ва харобиҳо гашт.

Аз ҷумла, дар деҳаи Сарвақти ноҳияи Ашт дар пайи ин селҳои шадид, 40 замини наздиҳавлигӣ, 12 биноҳои ёрирасон зери сангу лой монданд.

Бино ба иттилои Кумита ҳолатҳои фавқулодда, рӯзи 12-уми июн дар деҳаи Обурдони ноҳияи Кӯҳистони Мастчоҳи вилояти Суғд низ борони зиёд борид ва дар натиҷа сел ба вуҷуд омада, маконҳои зиёдеро хароб кард.

Кумитаи мегӯяд, дар километри 477-уми шоҳроҳи Кӯлоб-Дарвоз-Ванҷ Хоруғи Вилояти Мухтори Кӯҳистони Бадахшон, ки аз ҳудуди деҳаи Хехаки ҷамоати деҳоти Язгуломи ноҳияи Ванҷ сангрезӣ ба қайд гирифта шудааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.