22.9 C
Dushanbe

Ҳушдори КҲФ аз вазъи нохуби роҳҳои кӯҳӣ дар кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон шаҳрвандон ва меҳмонони кишварро аз сафар бо роҳҳои кӯҳӣ ҳушдор додааст.

Кумитаи ҳолатҳои фавқулоддаи ҷумҳурӣ зимни нашри паёме бо такя ба маълумоти Агентии ҳавошиносии Тоҷикистон мегӯяд, ки рӯзҳои 28-29-уми марти соли ҷорӣ дар баъзе “ноҳияҳои тобеъи ҷумҳурӣ, роҳи мошингарди Душанбе-Чаноқ, ҳамчунин навоҳии ғарбии ВМКБ лағзиши тарма ва резиши санг пешбинӣ мешавад.”

КҲФ ҳамзамон ба сокинони ин ноҳияҳо тавсия дода, ки “дар ин рӯзҳо ба ғунучини ҳезум, дорувор, шикор ва моҳидорӣ нараванд. Ҳамчунин тавсия мешавад, ки дар ин рӯзҳо дар минтақаҳои наздикӯҳиву кӯҳӣ чорвочаронӣ маслиҳат нест.”

Ҳамчунин гуфта мешавад, ҳангоми сафар бо роҳҳои кӯҳӣ ронандагон бояд эҳтиёткор бошанд ва “қоидаҳои бехатариро ҷиддан риоя кунанд.”

Тоҷикистон, ки кишвари кӯҳӣ аст, аксар вақт дар фасли зимистон ва аввали баҳор бузургроҳҳои кӯҳии он бо сабаби лағзиши тарма, резиши санг ва дигар офатҳои табии хароб ва барои чанд рӯз масдуд мешаванд.

Яке аз роҳҳои кӯҳии кишвар ин роҳи Душанбе – Чаноқ мебошад, ки вилояти Суғдро бо пойтахт мепайвандад. Зиёда аз даҳ сол мешавад ин роҳ пулакӣ аст ва масъулияти нигоҳу бини онро ширкати “IRS”-и марбут ба наздикони Эмомалӣ Раҳмон ба дӯш дорад. Аммо бо вуҷуди пулакӣ будан ҳаммасола ин роҳ дар фаслҳои сармо гоҳ гоҳе масдуд мешавад, ки ронандагон ва сокинони кишвар масъулини “IRS”-ро дар камкорӣ айбдор мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.