3.9 C
Dushanbe

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Игнотас Унгайла (Ignotas ungaila) адвокати Сулаймон Давлатов рӯзи душанбе дар суҳбат ба Azda tv ҷузъиёти боздошти ӯро шарҳ дод. Ӯ гуфт, зерҳимяашро Нерӯҳои марзбонии Литва боздошт ва ба Марказ (лагер)-и паноҳандагон интиқол додаанд.

Вакили мудофеи Сулаймон Давлатов гуфт, ки зерҳимояи ӯро ба иттиҳоми таҳдид ба амнияти миллии ин кишвар боздошт кардаанд ва нисбаташ шикояти шифоҳӣ вуҷуд дорад.

Адвокат афзуд, ки эҳтимол дорад паноҳандагӣ ва иқомати доимии ӯро мақомоти Литва лағв кунанд, вале бо ин иттиҳомот ихроҷ шудан аз ин кишвар ӯро таҳдид намекунад.

Ёдовар мешавем, ки мақомоти Литва рӯзи ҷумъа, 5-уми апрели соли ҷорӣ ин фаъоли сиёсиро дар маҳали кораш боздошт карданд. Сулаймон Давлатов ҳамроҳи зану фарзандонаш дар шаҳри Вилнюси Литва зиндагӣ дорад ва ӯ ҳамроҳи фарзандонаш дорои паноҳандагии сиёсӣ мебошад.

Шоҳидони ҳодисаи боздошти Давлатов дар суҳбат ба Azda tv гуфтанд, ки “рӯзи ҷумъа соатҳои дуи баъд аз зуҳр ду нафар бо либоси мулкӣ аз мошини минивен берун омада, бо Сулаймон даст додаанд ва ба самти минивен рафтанд, дарҳол ду нафар бо ниқоб аз мошин берун шуда, ӯро ба дохили мошин маҷбуран савор карда бурданд.

Рӯзи якшанбе, 7-уми апрел додгоҳе дар шаҳри Вилнюси Литва баргузор шуд ва ҳукми ҳабси пешакӣ барои Давлатов содир кард ва тибқи ҳукми додгоҳ ба муддати 2 моҳ, то 6 июн дар боздошт қарор хоҳад дошт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даҳҳо парванда ба иттиҳоми “фасодкорӣ” барои кормандони ниҳодҳои давлатӣ

Дар робита ба дуздии миллионҳо сомонӣ аз будҷети Вазорати дифоъ, ки соли гузашта рух дода буд, нисбати 26 корманди давлатии дигар парвандаи ҷиноӣ боз шудааст.

Қатли ду зодаи Осиёи Марказӣ дар пайи “амалиёт” дар Русия

Хадамоти амнияти Федералӣ (ФСБ)-и Русия аз пешгирии як ҳамлаи теруристӣ дар вокзали шаҳри Псков хабар дод.

Хабари боздошти Идибеки Бохтарӣ тасдиқ шуд

Додгоҳи шаҳри Бохтар боздошти Идибеки Мардон, маъруф ба "Идибеки Бохтарӣ"-ро, ки яке аз мубаллиғони ашаддии Ҳукумат дониста мешуд, тасдиқ кард.

Ҳукми зиндони даҳҳо нафар бо иттиҳоми амали террористӣ дар ҷашни “Наврӯз”

Додситони кулли Тоҷикистон даҳҳо шаҳрвандро бо иттиҳоми нақшаи анҷоми амали террористӣ дар маросими ҷашни Наврӯз 2024 боздошт кард.