36.9 C
Dushanbe

Вафоти собиқ раиси Додгоҳи олии Афғонистон дар Иморот

Собиқ раиси Додгоҳи олии Афғонистон дар урдугуҳои муҳоҷирон дар пойтахти Имороти Муттаҳидаи Арабӣ вафот кард.

Бино ба иттилои ББС, Сайид Юсуф Ҳалим, раиси пешини Додгоҳи олии Афғонистон дар урдугоҳи муҳоҷирон дар шаҳри Абузабӣ, пойтахти Имороти Муттаҳидаи Арабӣ даргузаштааст.

Марги собиқ раиси Додгоҳи олии Афғонистон, ки ҳудуди 14 моҳ дар интизори сафар ба Амрико дар урдугоҳи муҳоҷирон дар Имороти Муттаҳидаи Арабӣ ба сар мебурд, дар шабакаҳои иҷтимоӣ вокунишҳои мухталиферо дар байни афғонистониҳо ба вуҷуд овардааст.

Раисҷумҳурии гурезии Афғонистон Ашар Ғанӣ ва ёронаш, ки дар гузашта дар раъси ҳукумат қарор доштанд, марги Сайид Юсуф Ҳалимро ногаҳонӣ хонда, аз иҷрои вазифаи пурмасъулияти вай дар барқарории адолат тавсиф кардаанд.

Аммо иддае аз гурӯҳҳои дигар, ки бо ҳукумати пешини Афғонистон ба ҳар навъе мушкил доштанд, мегӯянд, собиқ раиси Додгоҳи олии Афғонистон фармонбардори Арги раёсати ҷумҳурӣ ва дар раъси он Ашраф Ғанӣ буд ва ҳатто як рӯзе ҳам дар замони иҷрои вазифааш дар ин мансаб Додгоҳи олии Афғонистон истиқлоли комил надоштааст.

Аз сӯи дигар, гурӯҳҳое низ ҳастанд, ки мегӯянд, ки раиси Додгоҳи олии Афғонистон бо вуҷуди он ки метавонист ба мардуми хидмат кунад, вале навкарӣ ба Амрикоро тарҷеҳ дод ва дар охири умри худ ба орзуяш, ки рафтан ба Амрико буд, нарасид ва бо хориву зиллат дар урдугоҳе дар ғурбат ҷони худро аз даст дод.

Гуфта мешавад, Сайид Юсуф Ҳалим аз замони ташкили Ҳукумати ваҳдати миллӣ дар Афғонистон бо раҳбарии Ашраф Ғанӣ ва Абдуллоҳ Абдуллоҳ дар соли 2015 то замони суқути ҷумҳурии исломӣ ба дасти Иморати исломӣ дар соли 2021 ҳамчун раиси Додгоҳи олии Афғонистон ифои вазифа карда буд.

Вай пас аз суқути ҷумҳурии исломӣ бо раҳбарии Ашраф Ғанӣ барои рафтан ба Амрико ба Иморати Муттаҳидаи Арабӣ фирор карда буда ва дар яке аз урдугоҳҳое, ки бо супориши ИМА дар он кишвар барои интиқоли афғонистониҳо таъсис шуда буд, зиндагӣ мекард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 7 нафар кушта ва ду каси дигар захмӣ шудааст.

Эмомалӣ Раҳмон писари Аҳмадшо Масъудро аз Душанбе ронд

Бархе расонаҳои афғонистонӣ хабар доданд, ки мақомоти Тоҷикистон дафтари Ҷабҳаи муқовимати миллии Афғонистонро дар Душанбе бастааст.

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.

Беш аз 135 муҳоҷир дар интизори ихроҷ аз Русия

Сафорати Тоҷикистон дар Русия эълон кардааст, ки танҳо дар як боздоштгоҳи муваққатии Маскав беш аз 135 муҳоҷири тоҷикистонӣ дар интизори ихроҷ қарор доранд.