Варзишгарони тоҷик дар мусобиқаи байналмилалии дзюдо "Kazan Grand Slam" ширкат меварзанд

Паҳлавонони тоҷик дар мусобиқаи байналмилалии дзюдо "Kazan Grand Slam 2021", ки рӯзҳои 5-7 майи соли равон дар шаҳри Қазони Федератсияи Русия баргузор мегардад ширкат меварзанд.

"Азия Плюс" бо истинод ба гузориши маркази матбуоти Кумитаи миллии олимпии Тоҷикистон иттилоъ медиҳад, ки дастаи мунтахаби Тоҷикистон иборат аз 7 варзишгар барои ҳунарнамоӣ ба Қазон хоҳад рафт.

Дар ин мусобиқа Шаҳбоз Саидаброров ва Абумуслим Қаюмзода дар вазни 60 кг.

Баҳром Суфиев ва Алиҷон Сафаралиев дар вазни 66 Сомон Маҳмадбеков (73кг)

Акмал Муродов (81 кг) ва Комроншоҳ Устопириён дар вазни 90 кг ҳунарнамоӣ мекунанд.

Дар маҷмӯъ дар мусобиқаи байналмилалии "Kazan Grand Slam" ширкати 420 гуштигир (252 мард ва 168 зан ) аз 83 кишвари чаҳон дар назар аст.

Ғолибони мусобиқа ба ғайр аз медалҳо, мукофотҳои пулӣ барои ҷои аввал 5 ҳазор доллар барои ҷои  дуввум 3 ҳазор доллар ва барои ҷои саввум 1500 доллар мегиранд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.