22.9 C
Dushanbe

Вазъи саломатии вахими як тоҷикистонӣ дар маҳбаси Туркманистон

Вазъи саломатии як шаҳрванди Тоҷикистон дар яке аз маҳбасҳои Туркманистон бисёр вахим шудааст.

Бино ба иттилои turkmen.news, Сабзалӣ Эхболович Бандаев дар зиндон гирифтори бемории сил шуда, ҳоло дар бемористони маҳбаси МР-Б/15-и шаҳри Марии Туркманистон қарор дорад.

Гуфта мешавад, бемории сили ин шаҳрванди Тоҷикистон ба марҳалаи охир расидааст ва аз даҳонаш хун меравад.

Бандаев дар Туркманистон ба 23 соли зиндон маҳкум шуда будааст, аммо маълум нест ҳукми вай кай содир шуд ва ӯ ба чӣ иттиҳоме айбдор гардидааст.

Ба иддаои манбаъ, наздикони маҳкумшуда имкон доранд, ки бо муроҷиат ба сафорати Туркманистон дар Душанбе, Вазорати корҳои хориҷии Тоҷикистон ва дигар мақомот Бандаевро озод карда, ба Тоҷикистон баргардонанд.

Бар асоси Кодекси мурофиавии ҷиноии Туркманистон, имкони раҳоии пеш аз муҳлати беморе, ки вазъи саломатияш вахим арзёбӣ мешавад, вуҷуд дорад ва чунин мавридҳо низ дар ин кишвар будааст. Дар соли 2014 сомонаи turkmen.news аз раҳоии ҳашт нафари гирифтори бемории сил хабар дода буд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Қазоқистон беш аз 310 ҳазор қурбонии сиёсиро сафед кард

Қазиқистон ҳам мисли хеле дигар аз кишварҳои собиқ Иттиҳоди Ҷамоҳири Шӯравӣ қурбониёни сиёсии даврони столниашро сафед кард, Тоҷикистон чӣ?

HRW дар нома ба Байден аз нақзи ҳуқуқи башар дар кишварҳои Осиёи Марказӣ гуфт

Дидбони Ҳуқуқи Башар (HRW) бо нашри изҳороте аз Ҷо...

Таҳдид зиндон барои навиштани “Ҷумъа муборак” дар Тоҷикистон

Мақомоти Тоҷикистон аз ин ба баъд ирсоли паёмаки "Ҷумъа муборак"-ро дар Тоҷикистон ҷурм дониста, барои он то ҷарима ва ҳатто ҳабсро пешбинӣ кардаанд.

Сохти беш аз 100 дидбонгоҳи марзии ҷадид

Толибон дар марз байни Афғонистон ва кишварҳои ҳамсояи он зиёда аз 100 дидбонгоҳи марзии нав сохтанд.