9.9 C
Dushanbe

Гуфту гузорҳо дар бораи вазъи саломатии Эмомалӣ Раҳмон

Коршиносони мустақил бар ин боваранд, ки вазъияти саломатии Эмомалӣ Раҳмон пас аз оғози ҳодисаҳои ахири Қазоқистон рӯ ба вахомат овардааст.

Президент Эмомалӣ Раҳмон бори ахир аз тариқи расонаҳо 10-уми январи соли ҷорӣ дар нишасти ғайри навбатии сарони кишварҳои узви Созмони Паймони Аҳдномаи Дастаҷамъӣ, ки тариқи он-лайн баргузор шуд, дида шуд. Сомонаи Хадамоти матбуоти Президент Эмомалӣ Раҳмон ҳам охирин матлаби худро рӯзи 10-уми январи соли ҷорӣ дар ҳамин нашр кард.

Агентии миллии иттилоотии Тоҷикистон (АМИТ) “Ховар” ҳам охирин хабари худ дар бораи “Фармони Президенти Ҷумҳурии Тоҷикистон дар бораи тадбирҳои тақвият бахшидани сатҳи ҳифзи иҷтимоии аҳолӣ, зиёд намудани маоши амалкунандаи вазифавии хизматчиёни давлатӣ, кормандони ташкилотҳои буҷетӣ, андозаи нафақа ва стипендия” рӯзи 13-уми январи имсол нашр кард, вале ягон акси ҷадиде аз ӯ чоп накард, ки бозгӯкунандаи аҳволи саломатиаш бошад.

Пойгоҳи иттилоърасонии “Паём.нет”, ки марбут ба мухолифини Ҳукмати Тоҷикистон аст, дирӯз 18-уми январ бо нашри як гузориш зери унвони “Қазоқистон, СПАД ва ояндаи инқилоб дар Тоҷикистонхабар дод, ки “ҳаводиси Қазоқистон, бахусус тахриби ҳайкали Назарбоев, “пешвои миллат”-и қазоқон, то ҳаде раисҷумҳури Тоҷиикистонро зери таъсир қарор доданд, ки барои табибони ӯ лозим омад навбатдории шабонарӯзиро то сатҳи “вазъи изтирорӣ” тақвият бахшанд.”

Манбаъҳои Паём меафзоянд: “Дертар, вақте нерӯҳои СПАД, аз ҷумла 200 сарбози тоҷик вориди Қазоқистон шуданд ва эътирозот саркӯб гардиданд, Эмомалӣ Раҳмон каме ором шуд ва ҳатто муддате табъи хуш дошт. Аммо бо дарки вазъияти баамаломада ва ояндаи торики худаш, дубора вориди депрессия гашт.”  

Хабари рӯ ба вахомат овардани саломатии Эмомалӣ Раҳмон замоне дубора дар расонаҳо ва бахусус шабакаҳои иҷотимоӣ мавриди баҳсу баррасӣ қарор гирифт, ки хабаргузории русии “Спутник-Тоҷикистон” иттилоъ дод, ки “Сафари Раҳмон ба Ҳиндустон лағв шуд: сабаб“.

Ҳар чанд ин расона сабаби асосии лағв шудани сафари Эмомалӣ Раҳмон ба Ҳидустонро авҷ гирифтани коронавирус дар он кишвар қаламдод кардааст, аммо чун то кунун мақомоти расмии Тоҷикистон дар ин бора ҳеч иттилои расмие ироа накардаанд, корбарон ба хуб будани вазъияти саломатии Президенти Тоҷикистон пас аз ҳодисаҳои ахири Қазоқистон шубҳа доранд.

Эмомалӣ Раҳмон 5-уми октябри соли 1952 дар ноҳияи Данғараи собиқ вилояти Кӯлоб таваллуд шуда, ба қарибӣ 70-сола мешавад. Вай наздик ба 30 сол мешавад, ки дар Тоҷикистон қудратро дар даст дорад ва бо вуҷуди пирӣ то кунун ҳеч гоҳ расман ба рухсатии меҳнатӣ нарафтааст.

Амруллоҳи Низом, махсус барои Аздо ТВ

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи тоҷикон аз Кореяи Ҷанубӣ

Бино ба иттилои манобеи Azda tv, мақомоти Кореяи Ҷанубӣ дар ин чанд рӯзи ахир бархе аз муҳоҷирони тоҷикро боздошт ва аз ин кишвар ихроҷ кардаанд.

Ҷойивазкунии мақомдорон дар Тоҷикистон

Бо фармон ва қарорҳои нави Эмомалӣ Раҳмон чанд нафар аз як вазифа озод ва ба вазифа дигар таъйин шуданд.

Истирдоди як фаъоли тоҷик аз Лаҳистон ба Тоҷикистон

Мақомоти Лаҳистон ҳафтаи гузашта боз як фаъоли тоҷикро боздошт ва ба Тоҷикистон истирдод кардааст.

Чаро ҷавонон ифротгаро мешаванд?

Маънои луғавӣ ва истилоҳии ифротгароӣ Ифротгароӣ дар луғат ба маънои аз ҳад гузаштан, аз меъёр гузаштан ва зиёдаравӣ кардан аст (фарҳанги форсии Муин, фарҳанги форсии Амид). Калимаҳои мутародиф ва ё ҳаммаъно бо ифрот иғроқ, газофа, муболиға, сахтгирӣ, ғулув ва монанди ин мебошанд.