30.9 C
Dushanbe

ВКД: Иззат Амон боздошт не, депорт шудааст

4-уми август, Рамазон Раҳимзода, вазири корҳои дохилаи кишвар зимни нишасти матбуотӣ ба хабарнигорон гуфт, Иззат Амон аз Русия боздошт ва истирдод нашуда, балки ӯро ба сабаби мушкил доштан дар асноди будубошаш ба Тоҷикистон ихроҷ (депорт) карданд.

Вазири корҳои дохилаи Тоҷикистон гуфт, ки алайҳи Иззат Амон беш аз даҳ нафар шикоят кардаанд ва дар асоси шикояти мардум ӯ боздошт ва ба ҷавобгарӣ кашида шудааст. Вазир афзуд, ки парвандаи Иззат Амон дар ҳоли анҷомёбист ва рӯзҳои наздик ба додгоҳ фиристода мешавад.

Масъалаи боздошт ва истирдод нашудани Иззат Амон дар ҳоле аз забони вазири корҳои дохила садо медиҳад, ки аксари расонаҳо, ҳуқуқшиносон ва ҳатто наздиконаш гуфтанд, ки Иззат Амон ба хотири фаъолиятҳояи ҳуқуқӣ ва сиёсияш бо дархости Тоҷикистон аз ҷониби мақомоти Русия боздошт ва ба Тоҷикистон истирдод шудааст.

Иззат Амон 25 моҳи марти соли ҷорӣ дар Русия нопадид ва як рӯз баъд аз Тоҷикистон пайдо шуд. ВКД рӯзи 26 март аз оғоз шудани парвандаи ҷиноятӣ нисбати Иззат Амон бо моддаи 247, қ.4 Кодекси ҷиноятии Ҷумҳурии Тоҷикистон (қаллобӣ) хабар дода буд.

Иззат Амон яке аз чеҳраҳои маъруфи тоҷик дар Русия буд, ки аз соли 2000 дар Маскав кору зидагӣ карда ва солҳо аз ҳуқуқи муҳоҷирони тоҷик ҳимоят мекард. Ӯ ахиран ба мақсади кумак расондан ба муҳоҷирон марказеро бо номи “Маркази тоҷикон” боз кард ва аз номи он ба муҳоҷирон ёрии ҳуқуқӣ ва моддӣ мерасонд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Танишҳои дипломатӣ байни Русия ва Озарбойҷон

Дар пайи боздошти даҳҳо озарбойҷонӣ дар шаҳри Екатеринбург, байни Федератсияи Русия ва Ҷумҳурии Озарбойҷон танишҳои шадиди дипломатӣ ба миён омадааст.

130 млн доллари Арабистони Саудӣ ба Тоҷикистон

Раисҷумҳури худкомаи Тоҷикистон Эмомалӣ Раҳмон бо раиси Фонди Рушди Арабистони Саудӣ Султон Абдурраҳмон ал-Маршад мулоқот кардааст.

Ихроҷи густардаи афғонҳо аз Эрон

Мақомоти эронӣ пас аз ҷанги 12-рӯза бо Исроил ихроҷи густардаи муҳоҷирони афғонистониро рӯи даст гирифтаанд.

Ҳушдор! Ба Белорус сафар накунед!

Он муҳоҷирони тоҷикистоние, ки аз Русия бо сабабҳое ихроҷ ва мамнуъулвуруд шудаанд, ба Белорус ҳам сафар карда наметавонанд.