-1.1 C
Dushanbe

Вазири корҳои хориҷии Узбекистон аз вазифааш барканор шуд

Вазири корҳои хориҷии Узбекистон Абдулазиз Комилов бо сабаби “ба кори дигар гузаштан” аз мақомаш барканор шуд. Дар ин бора котиби матбуотии президенти Узбекистон Шерзод Асадов ба расонаҳо хабар дод.

Ба гуфтаи ӯ, Абдулазиз Комилов, ки дар вазифаи вазири корҳои хориҷӣ кор мекард, муовини котиби Шӯрои амнияти назди Президенти Ҷумҳурии Узбекистон дар мавриди сиёсати хориҷӣ ва амният таъйин шуд.

Дар навбати худ Бобур Усмонов, ки муовини котиби Шӯрои амният буд, муовини директори Институти тадқиқоти стратегӣ ва байниминтақавӣ таъйин гардид.

Баъзе таҳлилгарон бар ин боваранд, ки Комиловро ба хотири изҳороташ дар бораи мавқеи Узбекистон нисбати вазъи Украина аз мақомаш барканор кардаанд.

Ӯ чанде пеш баъд аз ҳамлаҳои Русия ба Украина гуфта буд, ки ”Узбекистон истиқлолият, ҳокимият ва тамомияти арзии Украинаро ба расмият мешиносад”.

Собиқ Вазири корҳои хориҷии Узбекистон дар робита ба ду минтақаи истиқлолталаби Украина таъкид карда гуфта буд: “Мо Донетск ва Луганскро ҷумҳуриҳои алоҳида эътироф намекунем.”

Инчунин ӯ хабар дода буд, ки Тошканд дар ин шароити вазнин Украинаро дастгирӣ мекунад ва кумакҳои башардӯстонаи худро ба Украина идома медиҳад.

Аммо баъд аз ин гуфтаҳояш, ки рӯзи 17-уми март садо дода буданд, Комилов аз титри расонаҳо дур шуд ва вақтҳои охир дар маҷлису чорабиниҳои гуногун Узбекистонро муовини нахуствазир Сардор Умурзаков намояндагӣ мекард.

Инчунин дар бораи бемор шудани Абдулазиз Комилови 74-сола ва барои гирифтани дармон ба хориҷ аз Узбекистон рафтанаш хабарҳое нашр шуда буданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.