14.9 C
Dushanbe

Вазири тандурустӣ лату кӯб шуданашро рад кард

Акс аз сомонаи “Ҷумҳурият”

Вазири тандурустӣ ва ҳифзи иҷтимоии аҳолии Тоҷикистон, Ҷамолиддин Абдуллозода лату кӯб шуданашро аз ҷониби хоҳарзодаҳои раисҷумҳур Эмомалӣ Раҳмон рад кард.

Ҷамолиддин Абдуллозода дар мусоҳибаи ихтисосӣ бо рӯзномаи “Ҷумҳурият”, ки 25 август нашр шуда, мегӯяд, аз овозаҳои лату кӯб шуданаш хабар ёфтааст, ва онро бепоя хонд.

“Аз овозаҳо, ки шахсан барои ман ғайриинтизор буданд, албатта, хабар ёфтам. Чи ҳам мегуфтам, дар ҳоле ки онҳо асоси воқеӣ надоранд ва гузашта аз ин лоиқи вокуниш ҳам нестанд”, – мегӯяд Абдуллозода.

Инчунин вазири тандурустии кишвар дар идома афзуда, ки “ҳамонҳое, ки чунин овозаҳоро паҳн карданд, бояд мутаваҷҷеҳ мешуданд, ки ман замони дар сафари корӣ қарор доштанам, дар ҷаласаҳои ситоди вазорат тариқи онлайн иштирок мекардам.”

Ҷамолиддин Абдуллозода дар ҳоле хабари лату кӯб шуданашро аз ҷониби хоҳарзодаҳои раисҷумҳур рад мекунад, ки охири моҳи июли соли ҷорӣ ин хабар дар аксар расонаҳои дунё, ба монанди “Вашингтон Пос”-и Амрико, “MailOnline”-и Бритониё ва инчунин расонаҳои арабӣ, форсӣ, русӣ ва дигар хабаргузориҳои дунё пӯшиши васеъ ёфта буд.

Хабари лату кӯб шудани вазир замоне сари забонҳо пайдо шуд, ки 26-уми июл ниҳоди зертобеаш нишасти матбуотӣ дошт ва худи вазир дар он иштирок накард ва ба ҷои вай муовини якуми ӯ Ғафур Муҳсинзода ин нишастро баргузор намуд.

Муҳсинзода ба расонҳао гуфта буд, ки вазир барои имзои қарордоди ворид кардани воксин ба Маскав сафар карда аст. Аммо пас аз чанд соат Радио Озодӣ дар гузорише хабар дод, ки вазири тандурустӣ мавриди лату кӯб қарор гирифтааст.

Дар ин гузориш гуфта мешуд, хоҳарзодаҳои Эмомалӣ Раҳмон, Фарух, Фахриддин ва Зиёдалӣ Сафаровҳо ба хотири фавти модарашон аз коронавирус вазири тандурустӣ ва ҳифзи иҷтимоии аҳолиро лату кӯб карданд, ки дар натиҷа ҷоғи вазир осеб дидааст.

Пас аз интишори хабар вазири тандурустӣ то кунун дар пахши мустақиме ҳузур пайдо накарда ва шахсан онро рад накарда аст. 3-уми август аз Вазорати тандурустӣ ба Аздо тв гуфтанд, ки вазир сари кор аст ва омодаи қабули шаҳрвандон аст, аммо аз ба ҷуз як аксе, ки маълум нест кай гирифта шудааст, дигар чизе дар расонаҳо нашр нашуд.

Хабари лату кӯби вазири тандурустӣ дар шабакаҳои иҷтимоӣ бо вокунишҳои зиёди корбарон рӯ ба рӯ шуд, қисме аз он ҳимоят карданд ва қисме дигар ин ҳодисаро фоҷеа хонданд. Инчунин хабари лату кӯби вазир дар расонаҳои ҷаҳонӣ ба эътибори низоми давлатдорӣ дар Тоҷикистон латма зад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҷузъиёти боздошти Сулаймон Давлатов аз забони вакили дифоаш

Сабаби боздошти Сулаймон Давлатов, яке аз фаъолони сиёсӣ ва паноҳанда дар Литва, ки рӯзи ҷумъаи гузашта боздошт шуда буд, маълум шуд.

Навори нави чор гумонбари ҳамла ба “Крокус”

Хадамоти федералии амнияти Русия навори ыадиде аз бозпурсии чаҳор гумонбари ҳамлаи террористӣ ба "Крокус Сити Ҳолл"-и Красногорскро нашр кард.

То 600 сомонӣ ҷарима барои идгардаки кӯдакон дар Тоҷикистон

Вазорати маориф ва илми Ҷумҳурии Тоҷикистон бо судури қароре идгардакро дар рӯзи иди Рамазон барои кӯдакони боғча то донишомӯзони мактабу донишҷӯён мамнуъ эълон кад.

Боздошти Сулаймон Давлатов дар Литва

Мақомоти Литва Сулаймон Давлатов, як фаъоли сиёсии тоҷик ва паноҳанда дар ин кишварро боздошт кард.