Ба иттилои Маркази матбуоти Вазорати маориф ва илми Ҷумҳурии Тоҷикистон шаҳварндони тоҷике, ки дар донишгоҳҳои олии ҷумҳуриҳои Украина ва Беларус таҳсил доранд, ё қабул шудаанд, ҳангоми хариди билети бозгашт бояд ҳуҷҷати донишҷуйии худро нишон диҳанд.
Гуфта мешавад, барои дарёфти билет онҳоро зарур аст, ки мустақиман ба намояндагии ширкати «Сомон Эйр» муроҷиат намоянд. Дар назар аст шуруъ аз 30 август тавассути хатсайри «Сомон Эйр» парвозҳои чартерии Душанбе-Минск ба роҳ монда мешаванд.
Рӯзи 27 август Ситоди ҷумҳуриявӣ оиди пешгирӣ аз паҳншавии бемории COVID-19 парвозҳои чартерӣ дар самтҳои Душанбе-Минск ва Минск-Душанбе аз ҷониби ширкати ҳавопаймоии «Сомон Эйр» қарор қабул намуд.
Вазорати маориф ва илми Ҷумҳури Тоҷикистон аз донишҷӯёни тоҷике, ки дар Ҷумҳурии Беларус ва Украина таҳсил мекунанд, хостааст, талаботи санитарию эпидемиологиро дар кишварҳо риоя намоянд.
Ҳамчунин Вазорати корҳои хориҷии Ҷумҳури Тоҷикистон сафоратҳои Тоҷикистон дар ҷумҳуриҳои Беларус ва Украина дастур додааст, ки дар таъмини транзит аз Минск ба Киев ва дигар шаҳрҳои Украина кумаки зарурӣ расонанд.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.