30.9 C
Dushanbe

Вазорати меҳнат: Раванди муҳоҷират коҳиш ёфту ҳаҷми маоши миёна бештар шуд

Ҳаҷми маоши миёна дар Тоҷикистон 14 дарсад рушд карда, раванди муҳоҷирати шаҳрвандон ба хориҷ аз кишвар 16 дарсад коҳиш ёфтааст.

Дар ин бора имрӯз вазири меҳнат, муҳоҷират ва шуғли аҳолии Тоҷикистон Ҳасанзода Гулнора Кенҷа зимни нишасти матбуотии ниҳодаш ба хабарнигорон иттилоъ дод.

Вазорати меҳнат ва муҳоҷирати кишвар мегӯяд, дар соли 2023 музди миёнаи маоши коркунон дар Тоҷикистон 2013,11 сомониро ташкил дод, ки нисбат ба соли 2022 (ки он 1760,29 сомонӣ буд) 251,82 сомонӣ ё 14,3% зиёд мебошад.

Ба гуфтаи хонум вазир, маоши камтаринро дар ин давра, кормандони бахши кишоварзӣ, шикор, ҷангал ва моҳипарварӣ, ки 811,73 сомониро ташкил медод, гирифтаанд. Аммо маоши аз ҳама баландро кормандони “соҳаҳои истихроҷи канданиҳои фоиданок – 3646,93 сомонӣ, таъмини нерӯи барқ, газ, буғ ва хунуккунии ҳаво – 3634,06 сомонӣ, сохтмон – 3004,98 сомонӣ, маориф – 1645,82 сомонӣ ва дар тандурустӣ– 1344,81 сомонӣ” гирфтаанд.

Вазири меҳнат инчунин дар гузориши солонаи ниҳодаш гуфт, ки раванди муҳоҷират соли 2023 дар Тоҷикистон коҳиш ёфта, аз аввали сол 652014 нафар ба хориҷ аз кишвар сафар кардаанд, ки ин омор нисбат ба ҳамин давраи соли гузашта 16% кам мебошад. Аммо раванди бозгашти муҳоҷирон ба кишвар давоми сол 590710 нафар ё 7% зиёд гардидааст.

Аммо ин дар ҳолест, ки мувофиқи оморҳои ғайрирасмӣ шумори муҳоҷирони кории Тоҷикистон ба Русия ва дигар кишварҳо ба маротиб бештар буда, он бештар аз 2 миллонро ташкил медиҳад. Аммо, ба гуфтаи бархе коршиносон, мақомоти расмии кишвар оморҳои дақиқро дар ин маврид аз сокинон пинҳон мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вокуниши Эрон: Аврупо таҳдиду фишорро канор гузорад

Вазири корҳои хориҷии Эрон дар вокуниш ба таҳдидҳои кишварҳои...

Тоҷикистон аз “Роғун” ба Узбакистон барқ мефурӯшад

Ҳукумати Тоҷикистон тасмим гирифтааст, ки пеш аз анҷоми корҳои...

Русия муҳоҷиронро бе ваксина ба кор роҳ намедиҳад?

Мақомоти Рурия мехоҳанд, ки барои пешгирӣ аз паҳн шудани...

Интиқоли Гулмурод Ҳалимов ба минтақҳои наздимарзии Тоҷикистон

Бархе расонаҳои Афғонистон мегӯянд, ки Гулмурод Ҳалимов, собиқ фармондеҳи...