-3.1 C
Dushanbe

ВКД-и Тоҷикистон гуфт, ба ҷосуси Русия Руслан Табаров шиноснома надодааст

Вазорати корҳои дохилии Тоҷикистон имрӯз 23 апрел бо пахши баёнияе гуфт, ба Табаров Руслан, ки бо шиносномаи тоҷикӣ дар Ҷумҳурии Чехия ҷиноят содир намуда ва дар ҷустуҷӯ қарор дорад, шиноснома надодааст. Табаров дар таркиши анбори силоҳ дар Чехия муттаҳам мешавад.

“Аз рӯи ахбороти расонавӣ вобаста ба таркиши анбори силоҳ дар Ҷумҳурии Чехия маълум гардидааст, ки гӯё яке аз ду нафар гумонбарон бо шиносномаи хориҷии Ҷумҳурии Тоҷикистон ба номи Табаров Руслан Ҳалимович содир карда бошад, чунин хабар медиҳем, ки тибқи маълумоти махзани ягонаи шиносномаҳои Хадамоти шиносномавию бақайдгирии Вазорати корҳои дохилии Ҷумҳурии Тоҷикистон таҳти № М005947 аз 25 02.2011, аз ҷониби Вазорати корҳои дохилӣ ва воҳидҳои он дар шаҳру ноҳияҳо ба шаҳрванд Табаров Руслан Ҳалимович санаи таваллудаш 23 октябри соли 1975, шиноснома дода нашудааст”, омадааст дар хабари ВКД-и Тоҷикистон

Ҳамчунин Вазорати корҳои дохила қайд мекунад, ки ҳеч дархости расмие аз сохторҳои давлатии Ҷумҳурии Чехия ба мақомоти корҳои дохилии Ҷумҳурии Тоҷикистон дар ин хусус ворид нагардидааст.

Мақомоти Чехия 17 апрел ду шаҳрванди Русияро бо иттиҳоми ҷосусӣ ба манфиати Русия ва ҳамчунин гумонбар дар таркиши анбори силоҳ дар шарқи ин кишвар дар ҷустуҷӯ қарор дод. Гуфта мешавад, ин ду шаҳрванд яке бо шиносномаи Молдова бо номи Николай Попа ва дигаре бо шиносномаи Тоҷикистон бо номи Руслан Табаров соли 2014 вориди Чехия шудаанд.

Молдова рӯзи 20 апрел гуфт, ки бо номи Николай Попа ҳамчун шаҳрванди ин кишвар шиноснома надодааст. Ва баъди тақрибан як ҳафта Тоҷикистон низ шиносномаи Руслан Табаровро рад кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.