Вазорати корҳои хориҷӣ бидуни ҳамоҳангӣ бо ҳукумат ва хилофи Сарқонуни кишвар ранги Парчами давлатии Тоҷикистонро тағйир додан мехоҳад.
20-уми июни соли 2022, вақте Вазири корҳои хориҷии Тоҷикистон барои селфӣ гирифтан сафири Арабистони Саудӣ дар Душанберо ба ҳузур пазируфт, ва ҷонибҳо тағйирот дар рангҳои парчамҳои давлатии ду кишварро ба намоиш гузоштанд.
Сироҷиддин Муҳриддин вақте бо "сафири фавқулода ва мухтори Подшоҳии Арабистони Саудӣ дар Ҷумҳурии Тоҷикистон Валид ибни Абдурраҳмон ар-Рушайдон" акси хотиравӣ мегирифт, дар аксҳо дида мешавад, ки ҷонибҳо на танҳо ранги сабзи Парчами давлатии Тоҷикистонро ба ранги кабуди баланд табдил доданд, балки ранги Парчами давлатии Арабистони Саудиро, ки сабз аст, низ бо ранги кабуди баланд, ба намоиш гузоштанд.
Ин ҳам дар ҳолест, ки дар замони раҳбарии Сироҷиддин Муҳриддин ин бори аввал нест, ки дар Вазорати корҳои хориҷии Тоҷикистон ва сафоратхонаҳои кишварамон ранги Парчами давлатӣ тағйир дода мешавад, балки чанд моҳ қабл чунин корерор сафорати Тоҷикистон дар Вена низ анҷом дода буд.
Гуфта мешавад, "Парчам (байрақ)-и Тоҷикистон ин нишони аввалини давлати мустақили Ҷумҳурии Тоҷикистон мебошад, ки 24-уми ноябри соли 1992 қабулу расман тасдиқ карда шудааст.
Парчами – байрақи Тоҷикистон иборат аз рангҳои сурх (аз ҳама боло), сафед (дар мобайн) ва ранги сабз (аз ҳама поён) мебошад, ки таносубашон мутаносибан 2:3:2. Мебошад.
Дар байни парчами Тоҷикистон расми тоҷи тиллоии дорои 5 қуллаи нимдавраи ситорадор ҳаст. Соли 2019 рӯзи таҷлили рӯзи парчам ба рӯзи истироҳатӣ – яъне якшанбе рост меояд."
