-3.1 C
Dushanbe

ВМКБ: 2 сокини Хоруғ ба 22 солу 6 моҳ маҳкум шуд

Дар Вилояти Мухтори Кӯҳистони Бадахшон ду сокини шаҳри Хоруғ пас аз 14 рӯзи боздошт ба 22 солу 6 моҳ аз озодӣ маҳрум карда шуданд.

Коллаж аз РКД 

Имрӯз, 27-уми апрели соли 2022 Раёсати корҳои дохилии Тоҷикистон дар Вилояти Мухтори Кӯҳистони Бадахшон дар саҳфаи фейсбукиаш хабар дод, ки дирӯз, 26-уми апрели соли ҷорӣ “Суд Хуршедшо Султоншоеви 38-соларо ба муддати 18 сол ва Шодиҷон Фармонбекови 31-соларо ба муддати 4 солу 6 моҳ равонаи зиндон кард.”

Ба гуфтаи Раёсати корҳои дохилӣ, Суд Хуршедшо Султоншоевро бо иттиҳоми содир кардани ҷиноятҳое, ки дар “моддаҳои 237 қисми 3 (Авбошӣ дар ҳайати гурӯҳӣ), 328 қисми 1 (Истифодаи зӯроварӣ ба муқобили намояндаи ҳокимият), 330 қисми 1 (Таҳқири намояндаи ҳокимият), 195 (Ғайриқонунӣ соҳиб шудан, ба дигарон додан, ба соҳибияти каси дигар додан, нигоҳ доштан, интиқол додан, гирифта гаштани силоҳ, лавозимоти ҷангӣ, моддаҳои тарканда ва воситаҳои таркиш), 200 қисми 3 (Муомилоти ғайриқонунии воситаҳои нашъадор), 111 қисми 2 (қасдан расонидани зарари миёна ба саломатӣ)-и Кодекси ҷиноятии Ҷумҳурии Тоҷикистон” зикр шудаанд, ба муҳлати 18 сол ба зиндон маҳкум кардааст.

Инчунин Суд  Шодиҷон Фармонбековро “барои содир намудани ҷинояти дар моддаҳои 111 қисми 2 (қасдан расонидани зарари миёна ба саломатӣ) ва 328 қисми 1 (Истифодаи зӯроварӣ ба муқобили намояндаи ҳокимият)-и Кодекси ҷиноятии Ҷумҳурии Тоҷикистон  пешбинишуда” ба муҳлати 4 солу 6 моҳ аз озодӣ маҳрум кардааст.

Дар хабари Вазорати корҳои дохилӣ назари маҳкумшудаҳо ва ё адвокати онҳо вуҷуд надорад ва талошҳои АЗДО ТВ ҳам барои ба даст овардани назари маҳкумшудаҳо ва ё адвокату пайвандони онҳо то кунун бенатиҷа будааст ва дар сурати дастрасӣ ба иттилооти ҷадид, онро нашр хоҳем кард.

Гуфта мешавад, Хуршедшо Султоншоев ва Шодиҷон Фармонбеков ду ҳафта пеш, 12-уми апрели соли ҷорӣ тавассути мақомоти қудратии Тоҷикистон боздошт шуда буданд ва ба гуфтаи бархе коршиносон баррасии ин ду парванда ва бо содир намудани ҳукмҳои сангин дар ин муддати кӯтоҳ дар нисбати онҳо адолати судиро зери суол бурдааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Аз Насимҷон Шарифов то ҳол хабаре нест

Бо гузашти се рӯз аз Насимҷон Шарифов, намояндаи Ҳаракати...

Мудири шуъбаи “Қаряи Боло” боздошт шуд

Мудири шуъбаи беморхонаи "Қаряи Боло"-и пойтахт бо иттиҳом даст доштан дар тасарруфи беш аз 70 ҳазор сомонӣ боздошт шудааст.

Як сарбози амрикоӣ дар назди сафорати Исроил худро оташ зад

Рӯзи якшанбе, 25-уми феврали соли ҷорӣ як сарбози нерӯҳои ҳавоии Амрико дар назди сафорати Исроил дар Вашингтон худро оташ зад.

Музокироти пинҳонии Тоҷикистон бо Толибон

Мақомоти Тоҷикистон бо намояндаҳои Толибон ба сурати пинҳонӣ дар шаҳри Душанбе мулоқот кардаанд.