5.9 C
Dushanbe

Бар асари тарма дар Хоруғ 8 нафар ҷони худро аз даст дод

Бар асари фаромадани тарма дар маҳаллаи Носири Хисрави Вилояти Мухтори Кӯҳистони Бадахшон 8 нафар ҷон бохта ва дасти кам 10 нафари дигар маҷрӯҳ шудааст.

Бино ба иттилои расмӣ, субҳи имрӯз, 15-уми феврали соли 2023 дар чанд минтақаи Вилояти Мухтори Кӯҳистони Бадахшон, ба хусус шаҳри Хоруғ, маркази ин вилоят тарма фаромад.

Кумитаи ҳолатҳои фавқулъода ва мудофиа гарждании Тоҷикистон мегӯяд, ки субҳи имрӯз: “Як мошин бо даҳ мусофир ва ронандаашро тарма дар километри 8-уми роҳи мошингарди Хоруғ – Роштқалъа ба умқи панҷметраи соҳили рӯди Шоҳдара партоб кард. Хушбахтона дар ин ҳодиса талафоти ҷонӣ набуд, вале ҳамаи мусофирон  ҷароҳат бардоштаву ба бемористон интиқол дода шуданд.”

Инчунин хабар дода мешавад, ки “субҳи имрӯз тақрибан соати 10 дар қаламрави шаҳри Хоруғ лағзиши тарма ба қайд гирифта шуд. Бар асари ин ҳодиса чандин хонаҳои истиқоматӣ зарар диданд. Дар ҷойи ҳодиса наҷотдиҳандагони Раёсати Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон дар ВМКБ, қувва ва воситаҳои Системаи ягонаи давлатии рафъи паёмадҳои ҳолатҳои фавқулодаи вилоят фаъолият доранд.

Гуфта мешавад, дар шабакаҳои иҷтимоӣ наворе роҳ ёфтааст, ки гурӯҳҳои наҷот як ҷавондухтари зери тарма мондаро берун бароварда, бо роҳи нафасдиҳии сунъӣ ӯро наҷот медиҳанд.

Расонаи “Pamir Daily News”, ки бештар хабарҳои ВМКБ-ро пӯшиш медиҳад, низ аз ҷараёни наҷотдиҳӣ як наворе нашр карда, ки дида мешавад, гурӯҳи наҷот як кӯдаки тақрибан 4-5-соларо аз зери барф зинда берун мекашанд ва ӯро ба тими тиббӣ месупоранд.

Ба иттилои Радиои Озодӣ, бар асари тармаи имрӯза дар шаҳри Хоруғи ВМКБ “тақрибан даҳ хона, консулгарии Афғонистон ва шуморе аз сокинон зери барф мондаанд.”

Бориши барфу борон дар Вилояти Мухтори Кӯҳистон Бадахшон нисбат ба дигар манотиқи кишвар ба маротиб зиёдтар аст ва дар хеле мавридҳо дар фаслҳои замистон боришоти аз ҳад зиёди барфу борон ва фаромадани тарма ба мардум хисороти зиёде ворид мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Русия ба Тоҷикистон муаллиму китобҳои забони рус мефиристад

Русия махсус барои Тоҷикистон омӯзгорони забони русӣ ва дигар...

Мухолифони Толибон дар Душанбе ҷамъ омаданд

Нишасти 11-уми "Гуфтумони амниятии Ҳирот" бо меҳварияти масоили Афғонистон дар шаҳри Душанбе ба кори худ оғоз кард.

Поёни оташбаси муваққат дар Ғазза ва хостори тамдиди он

Имрӯз, 27-уми ноябр рӯзи охирини оташбаси 4-рӯзаи байни Исроил ва ҲАМОС аст. Эҳтимол меравад он то чанд рӯзи дигар тамдид шавад.

Таҷаммуи эътирозӣ дар Олмон барои озодии Абдуллоҳи Шамсиддин

Гурӯҳе аз ҳамкорони Абдуллоҳи Шамсиддин, писари Шамсиддини Саид, узви аршади ҲНИТ рӯзи 23-уми ноябр бори дигар дар Олмон барои талаби раҳоии ӯ гирдиҳамоӣ карданд.