32.9 C
Dushanbe

Воксингирии донишҷӯён ҳатмӣ шуд

Вазорати маориф ва илми Тоҷикистон воксингирии тамоми донишҷӯёнро ҳатмӣ эълон кард.

11-уми август, Муовини якуми вазири маориф ва илми Тоҷикистон ҷаноби Саломиён Муҳаммаддовуд Қаюм дар суҳбат бо Аздо тв гуфт, ба хотири ҳифзи саломатӣ ва пешгирӣ аз панҳшавии коронавирус воксингирии тамоми донишҷӯён ҳатмӣ мебошад.

Ба гуфтаи ӯ, “касоне, ки дар “маршировкаҳо” ширкат менамоянд ва дар ҷойҳои пуриздиҳом тамрин мекунанд, ҳама бояд воксин гиранд ва инчунин донишҷӯёне, ки аз моҳи сентябр ба донишгоҳҳо рафта дар дарсҳо иштирок мекунанд бояд воксин бигиранд.”

Муовини якуми вазири маориф ва илми Тоҷикистон афзуд, вуруди донишҷӯён ба донишгоҳҳо бо нишон додани гувоҳиномаи тандурустӣ сурат хоҳад гирифт.

Муҳаммаддовуд Саломиён дар робита ба илзомӣ будани воксингирии волидону сарпарастони муҳассилини мактабҳои миёна, ки фарзандонашон ба мактаб мераванд, посухи мушаххасе надод, вале гуфт, барои ҳифзи саломатӣ бояд ҳамаамон якҷоя талош кунем.

Ин дар ҳолест, ки 9-уми август дарсҳо дар мактабҳо барои синфҳои ибтидоӣ оғоз шуд. Манобеи Аздо тв аз навоҳии Тоҷикистон мегӯянд, дар бархе маҳаллаҳо муаллимон пеш аз шурӯи дарсҳо хона ба хона гашта мардумро маҷбур доранд, ки падару модарон воксин гиранд ва баъдан фарзандҳояшонро ба мактаб бифиристанд.

Хабари иҷборӣ шудани воксингирии волидони мактабхонҳо дар

Хабарро таблиғ кунед:

БЕШТАР БИХОНЕД
БЕШТАР БИХОНЕД

“Гурӯҳи 24” рафтори мақомоти рус ва беамалии мақомоти тоҷикро маҳкум кард

Ҳаракати сиёсии “Гурӯҳи 24” бо нашри изҳороте рейду боздошт ва латтукӯби муҳоҷиронро дар шаҳру ноҳияҳои Русия муносибати ғайриинсонӣ ва бераҳмонаи мақомоти давлатии ин кишвар номид.

Шикояти вакилони дифоъи Хуршед Фозилов

Вакилони дифои рӯзноманигори зиндонӣ Хуршед Фозилов аз болои ҳукми Додгоҳи Панҷакент ба Додгоҳи вилояти Суғд шикоят бурдаанд.  

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.