-1.1 C
Dushanbe

Вокуниши ПМТ дар робита ба навори лату кӯби сарбозон

Паймони миллии Тоҷикистон – эътилофи нерӯҳои мухолифи дар хориҷ аз кишвар бо нашри изҳороте дар робита ба навори лату кӯби наваскарон вокуниш кард.

Изҳороти ПМТ аз номи сухангӯи ин ниҳоди сиёсӣ Темур Варқӣ ва дар саҳифаи фейсбукияш нашр шудааст. Ин намояндаи ПМТ дар изҳороташ ҳодисаи мазкурро “таҳқир ба шаъну шарафи шаҳрванд ва ҳомиёни кишвар” хонда, онро “намунаи хурди ахлоқ ва табиати” феълии ҳукумати кишвар донистааст.

Дар изҳорот ҳамчунин таъкид мешавад, ки мақомоти кишвар бо нашри ин навор махсус мехоҳанд таваҷҷуҳи оммаро аз ду кори муҳим дигарсӯ баранд, ки онҳо иборатанд аз:

1) Ба ҷои он ки буҷети давлат ба эҳтиёҷоти аҳолии ниёзманд, ҳифзи саломатӣ ва таъсиси ҷойҳои корӣ равона карда шавад, бо харҷи 92 миллион доллари амрикоӣ ба Эмомалӣ Раҳмон ҳавопаймои хусусӣ харидорӣ мешавад;

2) Ҳайати ҳукумат дар Женева дар баробари суолоти коршиносони СММ бо сатҳи пасти саводнокӣ дар бораи ҳуқуқи инсон аз худ дониши ибтидоиро ба намоиш гузоштанд, ки ин обрӯи давлату миллатро коста кард.

Дар робита ба замони сабти навор гуфта шуда, ки аз навъи либоси сарбазон маълум аст, ки он дар фасли зимистон сабт шудааст, вале нашри он дар остонаи даъвати баҳории сарбозон ба артиш ба маънои боз ҳам бештар ришва ситонидан аз волидони даъватшавандагон, ки бо дидани чунин наворҳо дар рафтан ба артиш саркашӣ мекунанд, мебошад.

Ёдовар мешавем, ки рӯзи 24-уми апрел дар шабакаҳои иҷтимоӣ навори лату кӯби наваскарон аз ҷониби дигар сарбозон интишори васеъ ёфта, вокуниши шадиди корбаронро ба бор овард. Худи ҳамон рӯз Додситонии кулли кишвар хабар дод, ки навор таҳқиқ шуд ва ҷинояткорон боздошт ва бар зиддашон парвандаи ҷиноятӣ боз шуд. Аммо Додситонӣ бо далоили номаълум имрӯз ин хабарашро аз сомонааш пок кардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.